Boj to‘lovi amalga oshirilganda, yetkazib berish muddatlari o‘rtacha 3–7 kunga uzayishi mumkin.
1 oy davomida shaxsiy foydalanish uchun 200 AQSh dollarigacha bo‘lgan qiymatdagi tovarlarni boj to‘lovlarisiz olib kirishingiz mumkin. Har qanday internet-do‘konlardan buyurtma qilingan va xalqaro kuryerlik xizmatlari orqali yetkazib berilgan barcha chet el tovarlari hisobga olinadi. Pochta jo‘natmalari hisobga olinmaydi.
Bir oy ichida 200 dollarlik bojlarsiz olib kirish chegarasi oshirilgan taqdirda yoki belgilangan mamlakat qonunchiligida ko‘rsatilgan boshqa hollarda, siz bojxona bojini to‘lashingiz kerak.
Chegara oshirilganligini my.gov.uz sayti orqali kuzatib boring.
Chegara oshirilganligi haqida bildirishnoma
Bojlarsiz olib kirish chegarasi oshirilganidan keyin siz quyidagilarni olasiz:
- Ozonʼdan push-xabarnoma. Unda yetkazib berish xizmati bilan bog‘lanish ma‘lumotlari ko‘rsatiladi. Boj miqdori va to‘lov tafsilotlarini aniqlashtirish uchun u bilan bog‘laning.
- Yetkazib berish xizmati yoki mamlakatingiz bojxona organlaridan SMS yoki messenjer orqali xabar. Xabar buyurtma rasmiylashtirilayotganda yetkazib berish xizmatiga qoldirgan aloqa ma’lumotlaringiz orqali keladi.
Boj miqdori
Boj miqdori tovarning qiymati va gabaritlariga, yetkazib berish xizmati shartlariga hamda belgilangan mamlakat bojxona qonunchiligiga bog‘liq. Qiymat quyidagilarni o‘z ichiga oladi:
- Bojlarsiz olib kirish me‘yoridan oshgan qiymatning 30 %, lekin olib kirilayotgan tovar vaznining har bir kilogrammi uchun 3 AQSH dollaridan kam bo‘lmagan miqdorda.
- Tovarlarni rasmiylashtirish uchun bojxona yig‘imi — u O‘zbekiston Respublikasida belgilangan bazaviy hisoblash miqdorining 25 %ini tashkil etadi.
Boj miqdorini yetkazib berish xizmati yoki mamlakatingiz bojxona organlaridan aniqlashtiring.
Boj to‘lovi
Bildirishnoma olingan paytdan boshlab 3 kun ichida bojni to‘lamasangiz, buyurtma bekor qilinadi.
Bojni to‘lash uchun:
-
Chegara oshirilganligi haqidagi bildirishnomada yuborilgan aloqa ma’lumotlari orqali yetkazib berish xizmati bilan bog‘laning.
Chegara oshirilganligi haqidagi bildirishnoma haqida batafsil -
Bojni yetkazib berish xizmati orqali yoki bevosita bojxona organlariga to‘lang. To‘lov usuli mamlakatingizga bog‘liq.
Boj miqdori tovarning qiymati va gabaritlariga, yetkazib berish xizmati shartlariga hamda belgilangan mamlakat bojxona qonunchiligiga bog‘liq. Boj miqdorini yetkazib berish xizmati yoki mamlakatingiz bojxona organlaridan aniqlashtiring.
-
To‘lov haqidagi chek yoki kvitansiyani yetkazib berish xizmatiga yuboring.
Boj kompensatsiyasi
Agar Rossiyadan O‘zbekistonga yetkazilayotgan buyurtmalar uchun quyidagi shartlar bajarilsa, Ozon bojxona boji qiymatini kompensatsiya qiladi:
- buyurtmangiz Ozon tomonidan bekor qilingan bo‘lsa;
- shaxsiy kabinetda yetkazib berish muddati surilgani haqida bildirishnoma olganingizdan so‘ng buyurtmani bekor qilgan bo‘lsangiz;
- tovarlarni qabul qilib olayotganda, ularning sifati yomonligi sababli rad etgan bo‘lsangiz;
- tovarni qabul qilib olgandan so‘ng, uning sifati yomonligi sababli uni qaytargan bo‘lsangiz.
Bojxona boji kompensatsiyasini so‘rash uchun qo‘llab-quvvatlash chatiga yozing va boj to‘lovi cheki hamda bojxona deklaratsiyasini ilova qiling — uni yetkazib berish xizmatidan so‘rab olishingiz mumkin.
Boj to‘lovi cheki namunasi (PDF)
Bojxona deklaratsiyasi namunasi (PDF)
Agar ariza tasdiqlansa, pul Mablag‘lar balansiga qaytariladi. Siz quyidagilarni amalga oshirishingiz mumkin:
- ularni boshqa tovarlar uchun ishlatish — xaridni Mablag‘lar balansidagi pul bilan qisman to‘lab bo‘lmaydi, faqat to‘liq to‘lash mumkin;
- pochta o‘tkazmasi orqali yechib olish — buning uchun bizga qo‘llab-quvvatlash chatiga yozing.