“iPhone uchun ozon.ru” dasturidan (keyingi o‘rinlarda — “Dastur”) foydalanishdan oldin, ushbu litsenziya bitimi (keyingi o‘rinlarda — “Litsenziya”, “Litsenziya bitimi”) shartlari bilan tanishib chiqing. Siz tomondan Dasturdan har qanday foydalanish sizning ushbu Litsenziya bitimi shartlarini to‘liq va so‘zsiz qabul qilganingizni anglatadi. Agar siz Litsenziya bitimi shartlarini to‘liq qabul qilmasangiz, dasturdan biron bir maqsadda foydalanish huquqiga ega bo‘lmaysiz.
1. Bitim predmeti
1.1. Ushbu Litsenziya bitimi foydalanuvchi (“Foydalanuvchi”) va Dasturga nisbatan mutlaq huquqlar egasi (“Huquq egasi”) bo‘lgan “Internet Resheniya” MChJ, 123112, Moskva sh., Presnenskaya nab., 10-uy, 41-qavat, I-xona, 6-xona, o‘rtasida tuzilgan. Litsenziya foydalanuvchining Dasturdan foydalanish shartlarini belgilaydi.
1.2. Dasturni nusxalash va uni o‘z mobil qurilmasiga o‘rnatish orqali Foydalanuvchi Litsenziya shartlarining barchasiga to‘liq va shartsiz rozi ekanligini bildiradi.
1.3. Dasturdan foydalanishga faqat Litsenziya shartlariga muvofiq ruxsat beriladi. Agar Foydalanuvchi Litsenziya shartlarini to‘liq qabul qilmasa, Foydalanuvchi Dasturdan biron-bir maqsadda foydalanish huquqiga ega bo‘lmaydi. Litsenziyaning har qanday shartini buzgan holda (bajarmagan holda) dasturdan foydalanish taqiqlanadi.
1.4. Dasturdan Litsenziya shartlariga muvofiq shaxsiy notijorat maqsadlarda foydalanish bepul tarzda amalga oshiriladi. Dasturdan ushbu Litsenziyada ko‘zda tutilmagan shartlar va usullarda foydalanish faqat Huquq egasi bilan alohida kelishuv asosida, Huquq egasi belgilagan narxda amalga oshirilishi mumkin.
1.5. Dasturdan foydalangan holda rasmiylashtirilgan buyurtmalar va arizalar ozon.ru sayti orqali rasmiylashtirilgan buyurtmalar bilan bir xil hajmda tegishli (jismoniy va yuridik shaxslar uchun) Foydalanuvchi bitimlari bilan tartibga solinadi. Dasturdan foydalanish maqsadida Mijozning Dastur orqali qilgan harakatlari Mijozning Saytdagi harakatlariga teng ekanligini inobatga olgan holda Foydalanuvchi bitimlarida mavjud atamalardan foydalaniladi. Ushbu Litsenziya bitimi shartlari Huquq egasi tomonidan hech qanday maxsus bildirishnomasiz o‘zgartirilishi mumkin, yangi tahrir ozon.ru saytida e’lon qilingan paytdan boshlab kuchga kiradi.
1.6. Foydalanuvchi tomonidan dasturdan foydalanish uning qurilmasi, tizimi va amaliy dasturiy ta’minoti hamda Foydalanuvchining periferik qurilmalari haqidagi texnik ma’lumotlardan foydalanishga roziligini bildiradi. Huquq egasi Dasturni takomillashtirish yoki Foydalanuvchiga xizmatlar yoki texnologiyalarni taqdim etish uchun texnik ma’lumotlar va aloqador ma’lumotlarni to‘plash hamda ulardan foydalanish huquqiga ega. Huquq egasi bunday ma’lumotlar Foydalanuvchini shaxsan identifikatsiya qilish imkonini bermaydigan shaklda bo‘lgan muddat davomida ulardan foydalanishga haqli.
1.7. Foydalanuvchi ushbu Litsenziya doirasida Dasturdan bepul foydalanadi.
1.8. Shtrix-kodlarni skanerlash GNU LGPL litsenziyasi bo‘yicha tarqaluvchi ochiq manbali ZBar kutubxonasi yordamida amalga oshiriladi.
2. Dasturga nisbatan mutlaq huquq
2.1. Dasturga nisbatan mutlaq huquq Huquq egasiga tegishli.
3. Dasturdan foydalanish usullari
3.1. Huquq egasi Foydalanuvchiga Dasturdan quyidagi usullar bilan foydalanish uchun mutlaq bo‘lmagan huquqni (oddiy (mutlaq bo‘lmagan) litsenziyani) beradi:
3.1.1. Dasturni to‘g‘ridan-to‘g‘ri funksional maqsadiga muvofiq qo‘llash, buning uchun uni nusxalash va Foydalanuvchining mobil qurilmasi (qurilmalari)ga o‘rnatish. Foydalanuvchi Dasturni Foydalanuvchiga tegishli cheklanmagan miqdordagi mobil qurilmalarga o‘rnatish huquqiga ega.
3.2. Dastur quyidagi nom ostida ishlatilishi kerak: “iPhone uchun ozon.ru”. Foydalanuvchi Dastur nomini, mualliflik huquqini himoya qilish belgisini yoki Huquq egasiga oid boshqa ko‘rsatmalarni o‘zgartirishga va/yoki o‘chirishga haqli emas.
4. Cheklovlar
4.1. Ushbu Litsenziyada yoki Rossiya Federatsiyasi qonunchiligida bevosita nazarda tutilgan hajm va usullarda foydalanish hollari bundan mustasno, Foydalanuvchi Huquq egasining yozma roziligisiz Dastur obyekt kodini o‘zgartirish, dekompilyatsiya qilish, dizassembllash, shifrini ochish hamda Dasturda qo‘llaniladigan algoritmlarning amalga oshirilishi haqida ma’lumot olishga qaratilgan boshqa harakatlarni bajarish, Dasturdan foydalangan holda hosilaviy asarlar yaratish, shuningdek, Dasturdan boshqa tarzda foydalanish yoki bunga ruxsat berishga haqli emas.
4.2. Foydalanuvchi Huquq egasining yozma roziligisiz Dasturni tijorat maqsadlarida (to‘lov evaziga), shu jumladan dasturiy mahsulotlar to‘plamining bir qismi sifatida ko‘paytirish va tarqatish huquqiga ega emas.
4.3 Foydalanuvchi Huquq egasining yozma roziligisiz Dasturni o‘zi olgan shakldan farqli shaklda tarqatishga haqli emas.
5. Javobgarlik
5.1. Dastur “borligicha” (as is) shartlari asosida taqdim etiladi. Huquq egasi Dastur yoki uning alohida komponentlari xatosiz va uzluksiz ishlashiga, Dastur Foydalanuvchining muayyan maqsadlariga muvofiq kelishiga nisbatan hech qanday kafolat bermaydi, shuningdek, ushbu Litsenziyada bevosita ko‘rsatilmagan boshqa hech qanday kafolatlarni taqdim etmaydi.
5.2. Amaldagi qonunchilikda ruxsat etilgan maksimal darajada Huquq egasi, shuningdek, uning hamkorlari Dasturdan har qanday foydalanish yoki undan foydalanish imkonsizligi oqibatida yuzaga kelgan har qanday bevosita yoki bilvosita oqibatlar va/yoki Dastur yoki uning alohida komponentlaridan har qanday foydalanish yoki foydalanmaslik natijasida, shu jumladan, ularning ishlashidagi ehtimoliy xatolar yoki nosozliklar sababli Foydalanuvchiga va/yoki uchinchi shaxslarga yetkazilgan zarar uchun hech qanday javobgar bo‘lmaydi.
5.3. Dasturdan foydalanish/foydalana olmaslik bilan bog‘liq barcha da’volar, shuningdek, Dasturdan foydalanish natijasida qonunchilik va/yoki uchinchi shaxslarning huquqlari ehtimoliy buzilishi faktlari bo‘yicha da’volar bizga chat orqali yuborilishi kerak.
5.4. Ushbu Litsenziya va Dasturdan foydalanish bilan bog‘liq barcha munosabatlar Rossiya Federatsiyasining amaldagi qonunchiligi bilan tartibga solinadi.
6. Maxsus shartlar
6.1. Dasturning ba’zi funksiyalari faqat Internetga kirish imkoni bo‘lgandagina, bajarilishi mumkin. Foydalanuvchi o‘z aloqa operatori yoki provayderining shartlari va tariflari asosida bunday kirish imkoniga mustaqil ravishda ega bo‘ladi va to‘lovini amalga oshiradi.