Biz “Saklanyş” häsiýetnamasyny bukinistik neşirlere, antikwar kitaplara we öň ulanylan kitaplara goşýarys. Saklanyş harydyň nähili ýagdaýdadygyna düşünmegiňize kömek eder.
Ozon-da neşir görnüşlerini şeýle tapawutlandyrýarys:
- Antikwar neşirler — 1941-nji ýyldan öň çap edilen kitaplar;
- Bukinistik neşirler — 1942-nji ýyldan 2010-njy ýyla çenli (şol ýyllary hem içine almak bilen) çap edilen kitaplar;
- Öň ulanylan kitaplar — 2011-nji ýyldan başlap çykarylan we ulanylan kitaplar.
Antikwar neşirler
Saklanyş “Ajaýyp”
Neşir ajaýyp ýagdaýda saklanypdyr: sahypalar, daşlygy, jildi, kitap blogy görnetin üýtgeşmesiz, mehaniki zeperlenmeler ýok. Neşirde illýustrasiýalar, grawýuralar, kartalar bar bolsa, laryň hemmesi doly komplekti bilen bar.
Saklanyş “Örän gowy”
Neşiriň ýagdaýynda sähelçe üýtgeşmeler bar: saralan sahypalar, çala solgun jilt, kitap blogunyň kiçi mehaniki zeperlenmeleri, jildiň we daşlygyň ýeňil sürülmegi.
Saklanyş “Gowy”
Neşiriň ýagdaýynda göze ilýän üýtgeşmeler bolup biler: saralan sahypalar, solgun jilt, daşlygyň göze ilýän sürtülmegi, kitap blogunyň we jildiniň mehaniki zeperlenmeleri.
16-18-nji asyrlarda çykarylan kitaplar üçin, kitap göze ilýän derejede zeperlenen hem bolsa, gowy saklanyş bellenilýär. Köne bolmagy sebäpli olaryň ýokary gymmaty bar.
Jildiň we kitap blogunyň ýagdaýlaryna dürli hili baha berlip bilner. Mysal üçin, jildiň ýagdaýy kanagatlanarly, ýöne kitap blogunyň özi gowy saklanan bolup biler. Kitabyň saklanyşy — gowy. Beýanda jildiň kanagatlanarly ýagdaýy görkeziler.
Saklanyş “Kanagatlanarly”
Neşiriň saralan sahypalary we daşlygy, solgun jildi, sahypalaryň uly mehaniki zeperlenmeleri, jildiň jaýryklary we bölekleriniň ýitmegi, ýyrtylan sahypalary bar. Teksti we illýustrasiýalary öz içine almaýan sahypa bölekleri ýitirilen bolup biler, bloguň içindäki elementleriň berkitmesi bozulan bolup biler. Dikeldiş işleri talap edilýär. Biz şeýle kitaplary mümkin boldugyça az satmaga çalyşýarys.
Kanagatlanarlydan pes saklanyşy bolan neşirler Ozon-da satylmaýar.
Şeýle kitaplaryň häsiýetnamalary:
- kitap blogunyň we jildiniň dikeldip bolmajak üýtgeşmeleri;
- sahypalaryň, bloguň we jildiň uly mehaniki zeperlenmeleri: kitap blogunyň elementleriniň, kitap blogunyň arka tarapynyň we jilt örtükleri bilen berkitmesi bozulan;
- sahypa bölekleri ýa-da tekstli/illýustrasiýaly aýratyn sahypalar ýitirilen;
- neşir heň ýa-da kömelek bilen zeperlenen.
Bukinistik neşirler
Saýtda bukinistik neşirleriň beýany hakyky gowşurylandan sähelçe tapawutlanyp biler, eger:
- neşir ýylyndaky tapawut — üç ýyla çenli bolsa;
- kitabyň daşlygynyň ýa-da şriftiniň reňkinde tapawutlar bar bolsa, ýöne şunlukda kitabyň mazmuny, bezelişi we çykyş maglumatlary doly gabat gelýän bolsa.
Saklanyş “Ajaýyp”
Neşiriň zeperlenmeleri, ulanyş yzlary ýok, täze kitabyň saklanyşyna gabat gelýär.
Saklanyş “Gowy”
Neşirde şular bar:
- göze ilýän sürtülmeler;
- kitap blogunyň we jildiniň mehaniki sähelçe zeperlenmeleri;
- uly bolmadyk wagtlaýyn tegmiller;
- saralan sahypalar;
- sowgatlyk ýazgylar.
Gowudan pes saklanyşy bolan neşirler Ozon-da satylmaýar.
Şeýle kitaplarda şular bolup biler:
- tekstde aşagy çyzylan ýerleri;
- dargan burçlar;
- daşlyklaryň dürli kemçilikleri;
- çyglylyk yzlary bolan daşlyklar;
- ýygyrtlanan daşlyklar.
Öň ulanylan kitaplar
Saklanyş “Ajaýyp”
Neşiriň zeperlenmeleri, ulanyş yzlary ýok, täze kitabyň saklanyşyna gabat gelýär.
Saklanyş “Gowy”
Neşirde göz ilýän sürtülmeler, kitap blogunyň we jildiniň sähelçe mehaniki zeperlenmeleri, uly bolmadyk wagtlaýyn tegmiller bar. Saralan sahypalar bolup biler. Neşirlerde sowgatlyk ýazgylar bolup biler.
Gowudan pes saklanyşy bolan neşirler Ozon-da satylmaýar.