Buyurtma rasmiylashtirilayotganda yetkazib berish to‘lovi ham amalga oshiriladi. Agar sotuvchi sizdan buyurtma yoki yetkazib berish uchun qayta to‘lov so‘rasa, yordam chati ga xabar yozing.
Katta hajmli mahsulotlarni yetkazib berish
Katta hajmli tovarlarni tashish murakkabroq va qimmatroq, shuning uchun yetkazib berish narxi buyurtmaning o‘lchamlari va og‘irligiga, qabul qiluvchigacha bo‘lgan masofaga va tovar toifasiga bog‘liq. Yetkazib berishning yakuniy narxini buyurtmani rasmiylashtirish bosqichida kuryer orqali yetkazib berish sanasini tanlashda ko‘rasiz.
Agar katta o‘lchamli mahsulotni Ozon kuryeri yetkazib bersa, u mahsulotni bepul qavatga olib chiqadi.
Qavatga olib chiqish haqida batafsil
Topshirish punktlari
Ozon topshirish punktlariga buyurtmalar bepul yetkazib beriladi.
Kuryer orqali yetkazib berish
1000 rubldan yuqori qiymatdagi buyurtmalar uchun kuryer xizmati mavjud. Arzonroq buyurtmalarni topshirish punktidan olish mumkin.
Kuryer orqali yetkazib berish narxi buyurtma qiymatiga qarab belgilanadi.
| Buyurtma narxi | Yetkazib berish narxi |
|---|---|
| 1000 rubldan 2999 rublgacha | 230 rubl |
| 3000 rubldan | Bepul |
Yetkazib berish xizmatlari
Yetkazib berish narxi har bir jo‘natma uchun alohida hisoblanadi va buyurtmadagi tovarlarning og‘irligiga qarab belgilanadi. Yetkazib berishning aniq narxini buyurtmani rasmiylashtirish jarayonida, to‘lovni amalga oshirishdan oldin ko‘rishingiz mumkin.
Yetkazib berish usullari haqida batafsil ma’lumot
Bojxona bojlari
Boj to‘langanda, yetkazib berish muddati o‘rtacha 3-7 kunga uzayishi mumkin.
1 oy ichida siz shaxsiy ehtiyoj uchun mamlakatga umumiy qiymati 200 AQSh dollarigacha bo’lgan mahsulotlarni bojxona boji to’lamasdan olib kirishingiz mumkin. Har qanday internet-do‘konlardan buyurtma qilingan va xalqaro kuryerlik xizmatlari orqali yetkazib berilgan chet eldan kelgan barcha mahsulotlar hisobga olinadi. Pochta jo‘natmalari hisobga olinmaydi.
Oyiga 200 dollarlik bojsiz olib kirish me’yoridan oshganingizda yoki tegishli mamlakat qonunchiligida belgilangan boshqa hollarda bojxona to‘lovini to‘lashingiz kerak bo’ladi.
Me’yordan oshishni ko’rish uchun my.gov.uz.
Me’yordan oshganlik bildirishnomasi
Bojsiz olib kirish me’yoridan oshganingizdan keyin siz quyidagilarni olasiz:
- Ozon’dan push-bildirishnoma. Unda yetkazib berish xizmati aloqa ma’lumotlari ko‘rsatiladi. Boj miqdori va to‘lov tafsilotlarini bilib olish uchun u bilan bog‘laning.
- Mamlakatingiz bojxona organlaridan yoki yetkazib berish xizmatidan SMS yoki messenjer xabari. Xabar buyurtmani rasmiylashtirishda yetkazib berish xizmatiga qoldirgan aloqa ma’lumotlaringizga yuboriladi.
Bojni to’lash
Agar bildirishnoma qabul qilingan sanadan boshlab 3 kun ichida boj to’lovini amalga oshirmasangiz, buyurtma bekor qilinadi.
Bojni to’lash uchun:
-
Olib kirish me’yoridan oshganligingiz haqidagi bildirishnomada ko’rsatilgan yetkazib berish xizmati aloqa ma’lumotlariga bog’laning.
Me’yordan oshganlik bildirishnomasi haqida batafsil -
Yetkazib berish xizmati orqali yoki to‘g‘ridan-to‘g‘ri bojxona organlariga bojni to‘lang. To‘lov usuli mamlakatingizga bog‘liq.
Boj miqdori mahsulot qiymati va o‘lchamlariga, yetkazib berish xizmati shartlariga va yetkazib beriladigan mamlakatning bojxona qonunchiligiga bog‘liq. Boj miqdorini yetkazib berish xizmati yoki mamlakatingiz bojxona organlaridan aniqlashtiring.
-
Yetkazib berish xizmatiga to’lov cheki yoki kvitansiyasini yuboring.
Boj qoplamasi
Ozon Rossiyadan O‘zbekistonga yetkazib beriladigan buyurtmalar uchun bojxona boji qiymatini quyidagi hollarda qoplaydi:
- buyurtmangiz Ozon tomonidan bekor qilinganda;
- yetkazib berish muddati kechiktirilganidan so’ng buyurtmani bekor qilganingizda;
- sifatsiz mahsulotlarni qabul qilishni rad etganingizda;
- sifatsiz mahsulotni qabul qilishdan so’ng qaytarganingizda.
Bojxona to‘lovi kompensatsiyasini olish uchun bizga yordam chatiga yozing hamda boj to‘langanligi haqidagi chek va bojxona deklaratsiyasini ilova qiling — uni yetkazib berish xizmatidan so‘rashingiz mumkin.
Agar arizangiz tasdiqlansa, Mablag‘lar balansiga pulni qaytaramiz. Pullarni siz:
- boshqa mahsulotlarga sarflashingiz mumkin - xaridni Mablag‘lar balansidagi pul bilan qisman to‘lash mumkin emas, faqat to‘liq;
- pochta orqali yechib olishingiz mumkin - buning uchun yordam chati orqali bizga murojaat qiling.