Գովազդային նյութերի պահանջներ

Բառարան

1. Գովազդատու՝ ապրանքներ արտադրող կամ վաճառող, կամ մեկ այլ անձ, ով որոշել է գովազդվող օբյեկտը և (կամ) գովազդի բովանդակությունը:
2. Գովազդ տարածող՝ «Ինտերնետ Րեշենիա» ՍՊԸ (ապա՝Ozon): Գտնվելու վայր. 123112, ք. Մոսկվա, Պրեսնենսկայա առափնյա փողոց, տ.10, հարկ 41, հաստատոություն I, սենյակ 6, հիմնական պետական գրանցման համար (ՀՊԳՀ) 1027739244741:
3. Գովազդային նյութ՝ ազդերիզ տեսաազդերիզներ և այլ նյութեր, որոնք որակվում են որպես գովազդ և հասանելի են տարածման ozon.ru-ում:
4. Գովազդվող օբյեկտ՝ ապրանք, իրավաբանական անձի և (կամ) ապրանքների անհատականացման միջոցներ, ապրանք արտադրող կամ վաճառող,ինտելեկտուալ գործունեության արդյունքներ կամ իրադարձություն (ներառյալ, ակցիա, սպորտային մրցույթ, համերգ, մրցանակաբաշխություն, փառատոն, ռիսկի վրա հիմնված խաղեր, խաղադրույքներ), որոնց ուշադրության գրավելուն է ուղղված գովազդը:
5. Գովազդ սպառողներ՝ անձինք, որոնց ուշադրությունը գովազդվող օբյեկտին գրավելուն է ուղղված գովազդը:
6. Անցումային էջ կամ URL՝ էջ, ուր տանում է Գովազդային նյութը:
7. Մեդիագովազդ՝ գովազդ լուսանկարների, պատկերների կամ տեսանյութերի ձևաչափով:
8. Ցուցադրման պայմաններ՝ պայմաններ, որոնցով ցուցադրվում է գովազդային նյութը, օրինակ, որոնվող արտահայտությունները:
9. Անվտանգության տարածք՝ դրանք այն սահմաններն են, որոնցում պետք է գտնվեն գովազդի նշանակալի տարրերը:

Հիմնական դրույթներ

Գործող փաստաթղթում սահմանվում են ozon.ru կայքում և Ozon-ի բջջային հավելվածում գովազդի տեղադրման հիմնական պահանջները:

Ozon-ն իրավունք ունի առանց որևէ հատուկ ծանուցման փոփոխություններ կատարել գործող Քաղաքականության մեջ, որի հետ կապված Գովազդատուն պարտավորվում է կանոնավոր կերպով հետևել Քաղաքականության փոփոխություններին:

1. Գովազդային նյութերի բովանդակության ընդհանուր պահանջներ

1.1. Ազդերիզը/տեսանյութը և անցումային էջը պետք է համապատասխանեն Ռուսաստանի Դաշնության (ՌԴ) գործող օրենսդրության և Ozon-ում գովազդի տեղադրման Քաղաքականության պահանջներին:

1.2. Գովազդվող օբյեկտներ չպետք է համարվեն`

• ապրանքները, որոնց արտադրությունը և (կամ) վաճառքը արգելված է Ռուսաստանի Դաշնության օրենսդրությամբ, ներառյալ, կեղծ ապրանքները,
• նիկոտին պարունակող արտադրանքը և դրա սպառման սարքերը, ներառյալ նարգիլեները, մոխրամանները, կրակայրիչները,
• ալկոհոլային արտադրանքը,
• Covid թեստերը,
• թմրամիջոցները, հոգեմետ նյութերը և դրանց պրեկուրսորները, թմրամիջոցները կամ հոգեմետ նյութեր պարունակող բույսերը կամ դրանց պրեկուրսորները և թմրամիջոցներ կամ հոգեմետ նյութեր պարունակող մասերը կամ դրանց պրեկուրսորները, ինչպես նաև նոր պոտենցիալ վտանգավոր հոգեակտիվ նյութերը,
• զենքերը՝ ներառյալ, որսորդական, քաղաքացիական, օդաճնշական, սթրայքբոլի, փեյնթբոլի, հուշանվեր զենք և դեկորատիվ, դրանց համար նախատեսված բաղադրիչները, դրանց պատճենները. դանակները, բացառությամբ խոհանոցի, փորիչային, գրասենյակային,
• ինտիմ բնույթի ծառայությունները,
• քաղաքական գովազդը,
• կրոնական գովազդը,
• կանխատեսման և անդրաշխարհային մարգարեական բնույթի ծառայությունները` կախարդություն,մոգություն, աստղագուշակություն,
• պայթուցիկ արտադրանքը և նյութերը,
• պետական գրանցման ենթակա ապրանքները՝ նման գրանցման բացակայության դեպքում,
• օտար լեզվով բառեր պարունակող գովազդը՝ առանց թարգմանության,
• գովազդը, որն արգելված է տեղադրել ozon.ru-ում` համաձայն Ozon-ի Քաղաքականության,
• Ռուսաստանի Դաշնության (ՌԴ) օրենսդրությամբ արգելված այլ գովազդ:

1.3. Գովազդը պետք է լինի բարեխիղճ և արժանահավատ: Մասնավորապես, գովազդը չպետք է.

• պարունակի գովազդվող ապրանքի սխալ համեմատություն շրջանառության մեջ գտնվող ապրանքների հետ, որոնք արտադրված են այլ արտադրողների կամ վաճառվում են այլ վաճառողների կողմից,
• վարկաբեկի անձի, ներառյալ, մրցակցի պատիվը, արժանապատվությունը կամ գործարար համբավը,
• Գովազդային նյութի տեքստում և անցումային էջում չպետք է լինեն գերադրական աստիճանի ածականներ՝ «Լավագույն», «Ամենահարմար», որոնք հաստատված չեն երրորդ անձանց կողմից իրականացված համապատասխան հետազոտություններով:

1.4. Կեղծ է համարվում այն գովազդը, որը պարունակում է իրականությանը չհամապատասխանող տեղեկատվություն, մասնավորապես`

• գովազդվող ապրանքի առավելությունների մասին շրջանառության մեջ գտնվող ապրանքների նպատմամբ, որոնք արտադրվել են այլ արտադրողների կամ վաճառվում են այլ վաճառողների կողմից,
• ապրանքների տեսականու և կոմպլեկտավորման, ինչպես նաև որոշակի վայրում կամ որոշակի ժամանակահատվածում դրանք ձեռք բերելու հնարավորության մասին,
• ապրանքների ինքնարժեքի կամ գնի, վճարման կարգի,զեղչերի չափի, սակագների և ապրանքների ձեռքբերման այլ պայմանների մասին:

1.5. Գովազդը չպետք է`

• դրդի հակաօրինական գործողությունների կատարմանը,
• բացասական վերաբերմունք ձևավորի այն անձանց նկատմամբ, ովքեր չեն օգտագործում գովազդվող ապրանքները կամ դատապարտել նման անձանց։

1.6. Գովազդում չի թույլատրվում օգտագործել հայհոյանքներ, անպարկեշտ և վիրավորական բնույթի խոսք, համեմատություններ և արտահայտություններ, այդ թվում, կապված սեռի, ռասայի, ազգության, մասնագիտության, սոցիալական կատեգորիայի, տարիքի, անձի և քաղաքացու լեզվի, պաշտոնական պետական խորհրդանիշների (դրոշներ, զինանշաններ, օրհներգեր) հետ:

1.7. Չեն թույլատրվում այն գովազդները, որոնցում բացակայում են գովազդվող ապրանքի, դրա գնման կամ օգտագործման պայմանների մասին որոշ էական տեղեկություններ, դրա հետ մեկտեղ էլ տեղեկատվության իմաստը խեղաթյուրված է, և գովազդ սպառողները մոլորության մեջ են:

1.8. Գովազդի լեզուն պետք է լինի ռուսերենով:

1.9. Ապրանքների և այլ գովազդային Օբյեկտների գովազդում արժեքային ցուցիչները պետք է նշվեն ռուբլով, իսկ անհրաժեշտության դեպքում լրացուցիչ կարող են նշվել արտարժույթով:

1.10. Չի թույլատրվում օգտագործել օտար բառեր և արտահայտություններ, որոնք կարող են խեղաթյուրել տեղեկատվության իմաստը: Գովազդում օտար բառեր օգտագործելիս պետք է լինի ռուսերեն թարգմանություն։

1.11. Գովազդային նյութերում քաղաքացու լուսանկարի հրապարակումը և հետագա օգտագործումը (ներառյալ, նրա լուսանկարը, ինչպես նաև տեսագրությունները, որոնցում նա պատկերված է) թույլատրվում է միայն այդ քաղաքացու համաձայնությամբ (էջ 152.1 Ռուսաստանի Դաշնության Քաղաքացիական օրենսգիրք` ՌԴ ՔՕ):

1.12. Ozon-ն իրեն իրավունք է վերապահում մերժել գովազդային նյութերն առանց բացատրության։

2. Ozon-ում գովազդի տեղադրման կանոններ

2.1. Գովազդվող օբյեկտը պետք է հստակ հասկացվի ազդերիզի բովանդակությունից:

2.2. Գովազդային նյութի բովանդակությունը չպետք է ապակողմնորոշի կամ պարունակի կեղծ տեղեկություններ ապրանքների, ապրանքանիշերի, գների կամ զեղչերի մասին:

2.3. Ozon-ում չի թույլատրվում տեղադրել քաղաքական, ողբերգական, կրոնական և էզոթերիկ բովանդակության գովազդային նյութեր և այնպիսի նյութեր, որոնց տեղադրումն արգելված է` համաձայն Ozon-ի Քաղաքականության:

2.4. Գովազդային նյութերի հետ միաժամանակ պետք է տրամադրվեն տեղեկատվություններ վերջնական Գովազդատուի հետ կնքած բնօրինակ պայմանագրի մասին (եթե այդպիսի պայմանագիր առկա է):

Թեմաների նշված ցանկը վերջնական չէ և ցանկացած պահի կարող է լրացվել:

3. Լուսանկարի պահանջներ` բանների, տեսաբանների

3.1. Ազդերիզների և տեսաազդերիզների համար անընդունելի է ցածրորակ պատկերների օգտագործումը:

3.2. Ազդերիզի կամ տեսանյութի տեքստը, ներառյալ, նախազգուշացումները և տարիքային սահմանափակումները, պետք է հեշտ ընթեռնելի լինեն և չպահանջեն որևէ միջոցի կամ լրացուցիչ գործողությունների օգտագործման ընդունում: Տեքստը կարող է անընթեռնելի լինել պատկերի վատ որակի, տառատեսակի և ֆոնի միջև կոնտրաստի բացակայության կամ չափազանց փոքր տառաչափի պատճառով:

3.3. Բոլոր պատկերները, տեքստը և վերնագիրը պետք է տեղակայված լինեն Անվտանգության տարածքում: Հերքումները և նախազգուշացումները նույնպես չեն կարող դուրս գալ Անվտանգության տարածքից:

3.4. Թափանցիկ ֆոնի օգտագործումն արգելվում է:

3.5. Ազդերիզի կամ տեսանյութի վրա չեք կարող տեղադրել օգտագործողի գրաֆիկական ինտերֆեյսի տարրեր, որոնք կարող են ապակողմնորոշել գովազդ Սպառողին: Օրինակ, չպետք է օգտագործեք.

• ինտերֆեյսի տարրեր, որոնք իրականում չկան կայքի էջում կամ հավելվածում,
• տեսանյութի նվագարկման իմիտացիա առաջացնող կոճակներ:

3.6. Տեսաազդերիզի տեքստը պետք է լինի հստակ, ցայտուներանգ և չխառնվի ֆոնին:

3.7. Գովազդային նյութում չպետք է լինի մեծահասակների համար նախատեսված կոնտենտ:

Եթե գովազդվող օբյեկտնեը մեծահասակների համար նախատեսված ապրանքների կատեգորիայից են, ապա անհրաժեշտ է խստորեն պահպանել անցումային էջի ցուցադրման պայմանների համապատասխանությունը:

Ապրանքներ մեծահասակների համար կատեգորիայի ապրանքների գովազդ թույլատրվում է միայն համապատասխան կատեգորիայի էջերում https://www.ozon.ru/category/tovary-dlya-vzroslyh-9000/ և այդ կատեգորիայի ապրանքների քարտերում:

Գովազդային նյութում պետք է լինի 18+ նշում:

3.8. Ազդերիզը/տեսանյութը չպետք է պարունակի կոնտակտային տվյալներ՝ հեռախոսահամարներ, էլ. փոստի հասցեներ կամ կայքերի հղումներ, բացի Ozon-ից և Ozon.Travel-ից, բացառությամբ այն դեպքերի,երբ գովազդվող օբյեկտը ակցիա է կամ այլ խրախուսական միջոցառում, որի անցկացման կանոնների և պայմանների հղումը գտնվում է երրորդ կողմի ռեսուրսում և պահանջվում է ավելացնել գովազդային նյութում` համաձայն Ռուսաստանի Դաշնության (ՌԴ) օրենսդրության:

3.9. Ազդերիզը/տեսանյութը չպետք է պարունակի կողմնակի ծառայությունում կամ Ozon-ից դուրս չեկերի գրանցման վերաբերյալ անոնս/հղում,

• Ozon-ից դուրս քեշբեքի անոնս:
• Գովազդային նյութերում ցանկացած URL-ի նշում (բացառությամբ գործող Պահանջների 3.8 կետով նախատեսված դեպքի):
• Ozon-ից դուրս ապրանքի զեղչի մասին անոնս:
• Ozon-ից դուրս ապրանքի վերաբերյալ կարծիքի դիմաց պարգևատրում ստանալու մեխանիզմներ:
• Մեսենջերում/էլ փոստ գրելու հրավեր:
• Ozon-ից դուրս անձնական տվյալները թողնելու հրավեր:
• Սոցիալական ցանցերում և մեսենջերներում ապրանքի հետ կոնտենտ տեղադրելու հրավեր:

4. Տեքստի պահանջներ

4.1. Տեքստը պետք է գրված լինի գրագետ ռուսերենով, առանց տառասխալների:

4.2. Չի’ կարելի օգտագործել հայհոյանքներ, ժարգոնային արտահայտություններ, սադրիչ կամ ողբերգական բնույթի բառեր ու արտահայտություններ, բառերի ու արտահայտությունների անհիմն կրկնություններ:

4.3. Տեքստը պետք է ամբողջությամբ գրված լինի ռուսերենով։ Արժեքի ցուցիչները պետք է նշված լինեն ռուբլով:

4.4. Հաղորդագրության տեքստերը պետք է լինեն առանց հապավումների: Բացառություն են ընդհանուր ընդունված հապավումները և ռուբլու նշանը (₽):

4.5.Եթե Գովազդային նյութում հիշատակվում է Ozon Քարտեզը, ապա անհրաժեշտ է ավելացնել նախազգուշացում` «Ozon քարտեզը տրամադրում է Ozon Բանկ» ՍՊԸ-ն: Սպասարկման կանոնների մասին առավել մանրամասն տե՛ս https://finance.ozon.ru/»:

5. Հղման և անցումային էջի պահանջներ

5.1. Անցումային էջը պետք է համապատասխանի ազդերիզին կամ տեսանյութին և ուղղորդի Ozon.ru-ի աշխատանքային էջ (բացառությամբ դեպքերի, որոնք նախատեսված են գործող Պահանջների 3.8 կետով):

5.2. Անցումային էջը պետք է պարունակի ակցիաներին մասնակցելու պայմանների ամբողջ ցանկը, եթե գովազդվող օբյեկտը ակցիան է կամ խրախուսական միջոցառումը:

5.3. Արգելվում է օգտագործել utm նշումով հղում, ինչպիսին է utm_source=adv_system&utm_medium=banner&utm_campaign=1234: Այնուհանդերձ, կարող եք օգտագործել այլ պարամետրեր, օրինակ, adv_campaign=12345:

5.4. Հղումը չպետք է պարունակի վերահղում (օգտագործողին ավտոմատ կերպով վերահասցեագրի այլ հասցե): Բացառություն է կազմում արձանագրությունը HTTP-ից HTTPS փոխելը:

6. Առանձին կատեգորիայի ապրանքների գովազդը թույլատրվում է անհատական պայմանների համապատասխան

Առանձին կատեգորիայի ապրանքների գովազդը պետք է պարունակի նախազգուշացում` գործող օրենսդրության համապատասխան:

6.1. Մանկական սնունդ կատեգորիայի ապրանքներ

Մինչև մեկ տարեկան երեխաների համար նախատեսված ապրանքների գովազդը, ներառյալ, կրծքի կաթի փոխարինողները, պետք է պարունակի տարիքային սահմանափակում և մասնագետի խորհրդատվություն ստանալու անհրաժեշտության մասին նախազգուշացում:

Մանկական սննդամթերքի գովազդը չպետք է դրանք ներկայացնի որպես կնոջ կաթի ամբողջական փոխարինող և պարունակի երեխաների արհեստական կերակրման առավելությունների մասին հաստատումներ:

6.2. Դեղատուն կատեգորիայի ապրանքներ` դեղամիջոցներ, բժշկական արտադրանք:

Դեղամիջոցների և բժշկական արտադրանքի գովազդը պետք է պարունակի նախազգուշացում հակացուցումների առկայության, օգտագործման հրահանգները կարդալու անհրաժեշտության կամ մասնագետի խորհրդատվություն ստանալու մասին:

Օրինակ. «Կա հակացուցում: Խորհրդակցել ձեր բժշկի հետ»:

Հերքումների պահանջներ. առնվազն 5% գովազդային տարածք:

Դեղամիջոցների առաքումը գովազդելու համար, այդ թվում՝ օգտագործելով «առցանց դեղատուն», «կառաքենք այսօր», «պատվեր», «առաքում», «առցանց պատվեր» արտահայտությունները, տրամադրեք Առողջապահության ոլորտում հսկողության դաշնային ծառայության կողմից տրված թույլտվությունը:

Դեղամիջոցների և բժշկական պարագաների գովազդը պետք է պարունակի տեղեկատվություն հատկությունների և բնութագրերի, ներառյալ, միայն ցուցումների շրջանակում կիրառման և օգտագործման եղանակների մասին` սահմանված կարգով հաստատված նման գովազդվող օբյեկտների կիրառման և օգտագործման հրահանգներում պարունակվող ցուցումների սահմաններում:

Դեղամիջոցների և բժշկական պարագաների գովազդը չպետք է`

• վերաբերի անչափահասներին,
• պարունակի հղումներ գովազդվող օբյեկտի օգտագործման արդյունքում հիվանդությունների բուժման, անձի առողջության բարելավման կոնկրետ դեպքերին,
• պարունակի ֆիզիկական անձանց կողմից երախտագիտության արտահայտություն` կապված գովազդվող ապրանքի օգտագործման հետ,
• պատկերացում ստեղծի գովազդվող օբյեկտի առավելությունների մասին՝ հղում անելով այն փաստին, որ իրականացվել են հետազոտություններ, որոնք պարտադիր են գովազդվող օբյեկտի պետական գրանցման համար,
• պարունակի պնդում կամ ենթադրություն գովազդ սպառողների` այս կամ այն հիվանդությունների կամ առողջական խանգարումների առկայության մասին,
• առողջ մարդու մոտ տպավորություն ստեղծի գովազդվող օբյեկտի օգտագործման անհրաժեշտության մասին (բացառությամբ հիվանդությունների կանխարգելման համար օգտագործվող դեղերի),
• տպավորություն ստեղծի, որ բժշկին դիմելն ավելորդ է,
• երաշխավորի գովազդվող օբյեկտի դրական ազդեցությունը, դրա անվտանգությունը, արդյունավետությունը և կողմնակի ազդեցությունների բացակայությունը,
• գովազդվող օբյեկտը ներկայացնի որպես կենսաբանորեն ակտիվ հավելում, սննդային հավելում կամ այլ ապրանք, որը դեղամիջոց չէ (բացառությամբ բժշկական արտադրանքի գովազդի),
• պարունակի պնդումներ այն մասին, որ գովազդվող օբյեկտի անվտանգությունը և (կամ) արդյունավետությունը երաշխավորված են նրա բնական ծագմամբ (բացառությամբ բժշկական արտադրանքի գովազդի):

6.3. Անասնաբուժական պրեպարատներ

Գովազդը պետք է պարունակի հերքում․ «Կան հակացուցումներ: Խորհրդակցեք ձեր բժշկի հետ»:

Հերքումների պահանջներ. Առնվազն 5% գովազդային տարածք:

6.4. Կենսաբանական ակտիվ հավելումներ ԿԱՀ

Կենսաբանական ակտիվ հավելումների ԿԱՀ գովազդը պետք է պարունակի «Դեղամիջոց չի համարվում» նախազգուշացում:

Հերքումների պահանջներ. 10%-ից ոչ պակաս գովազդային տարածք:

Կենսաբանական ակտիվ հավելումների և սննդային հավելումների գովազդը չպետք է`

• տպավորություն ստեղծի, որ դրանք դեղամիջոց են և (կամ) ունեն բուժիչ հատկություններ,
• պարունակի հղումներ նման հավելումների օգտագործման արդյունքում բուժված մարդկանց և նրանց վիճակի բարելավման կոնկրետ դեպքերի մասին,
• պարունակի ֆիզիկական անձանց կողմից երախտագիտության արտահայտություն՝ կապված նման հավելումների օգտագործման հետ,
• խրախուսի առողջ սննդից հրաժարվելուն,
• պատկերացում ստեղծի նման հավելումների առավելությունների մասին՝ հղում անելով այն փաստին, որ իրականացվել են հետազոտություններ, որոնք պարտադիր են նման հավելումների պետական գրանցման համար, ինչպես նաև օգտագործել այլ ուսումնասիրությունների արդյունքները նման հավելումների օգտագործման ուղղակի առաջարկության տեսքով:

6.5. Վիճակախաղի տոմսեր

Վիճակախաղի տոմսերի գովազդը պետք է պարունակի.

• նշում վիճակախաղի անցկացման ընթացքում մրցանակների և խաղարկությունների ժամկետների մասին,
• վիճակախաղի կազմակերպչի, դրա անցկացման կանոնների, մրցանակային ֆոնդի, մրցանակների կամ շահումների քանակի, ժամկետների, մրցանակների կամ շահումների ստացման ժամկետների, վայրի և մրցանակների կամ շահումների ստացման կարգի մասին տեղեկատվության աղբյուր:

Վիճակախաղի տոմսերի գովազդը չպետք է՝

• վերաբերի անչափահասներին,
• տպավորություն ստեղծի, որ վիճակախաղին մասնակցելը փող աշխատելու կամ այլ եկամուտ ստանալու կամ ապրուստի այլ միջոց է,
• պարունակի պնդումներ, որոնք ուռճացնում են շահում ստանալու հավանականությունը կամ նվազեցնում ռիսկի աստճանը,
• պարունակի շահումներ ստանալու վկայություններ այն անձանց կողմից, ովքեր վիճակախաղի պայմաններին համապատասխան հաղթող են ճանաչվել, բայց շահումները չեն ստացել,
• պարունակի պնդումներ այն մասին, որ վիճակախաղին մասնակցելը կարևոր է հանրային ճանաչման, մասնագիտական, սպորտային կամ անձնական հաջողությունների հասնելու համար,
• քննադատի վիճակախաղին չմասնակցելը,
• ստեղծի տպավորություն, որ շահում ստանալը երաշխավորված է:

6.6. Խրախուսական միջոցառում

Մրցույթ, խաղ, ակցիա կամ նմանատիպ այլ միջոցառում ազդարարող գովազդում, որին մասնակցության պայմանը կոնկրետ ապրանքի գնումն է, պետք է նշվի`

• նման միջոցառման անցկացման ժամկետները,
• նման միջոցառման կազմակերպչի մասին տեղեկատվության աղբյուրը, դրա անցկացման կանոնները, նման միջոցառման արդյունքում ստացված մրցանակների կամ շահումների քանակը, դրանք ստանալու ժամկետները, վայրը և կարգը:

6.7. Տեղեկատվական արտադրանք

Տեղեկատվական արտադրանքի գովազդը պետք է ուղեկցվի այն անձանց տարիքային կատեգորիայի նշումով, որոնց համար այն նախատեսված է (Ռուսաստանի Դաշնության օրենսդրության համաձայն` «0+», «6+», «12+», «16+», «18+»):

Գովազդատուն երաշխավորում է տեղեկատվական արտադրանքի դասակարգումը և տարիքային կատեգորիայի նշումը նման դասակարգման արդյունքներին համապատասխան: Գովազդատուն պատասխանատու է իր կողմից գովազդվող տեղեկատվական արտադրանքի տարիքային կատեգորիայի ճիշտ որոշման համար:

7. Տեխնիկական պահանջներ

Ազդերիզներ

Ազդերիզների ընդհանուր պահանջներ.

• կայքում տեղադրման համար` JPG, JPEG, PNG, GIF ձևաչափ (ստատիկ), չափը 150 ԿԲ-ից ոչ ավել,
• Կայքի բջջային տարբերակի կամ հավելվածի համար` JPG, JPEG, PNG ձևաչափով, չափը 120 ԿԲ-ից ոչ ավել:

Յուրաքանչյուր վայրի տեղադրման պահանջներ.

Դիրք	Հարթակ	Փաստացի չափ	Անվտանգության տարածք	Տեղադրման էջի հղում	Բանների օրինակ
Գլխավոր էջ	Կայք	2832 × 600 պիքսելներ	2100 × 570 պիքսելներ	https://www.ozon.ru/
Գլխավոր էջ	Կայքի բջջային տարբերակ / Հավելված	1080 × 450 պիքսելներ	1020 × 405 պիքսելներ	https://www.ozon.ru/
1-ին մակարդակի կատեգորիաներ (տեղաբաշխում մեդիահավաքածուից)	Կայք	2832 × 600 պիքսելներ	2100 × 570 պիքսելներ	Օրինակ, https://www.ozon.ru/category/elektronika-15500/
Կատեգորիաներ	Կայքի բջջային տարբերակ / Հավելված	1080 × 450 պիքսելներ	1020 × 405 պիքսելներ	Օրինակ, https://www.ozon.ru/category/smartfony-15502/

Յուրաքանչյուր ազդերիզի վերին աջ անկյունում ավելացնում ենք «Գովազդ» պիտակը: Խուսափեք պիտակի շուրջ տեքստ կամ կարևոր տարրեր տեղադրելուց: Այդ տարածքի չափը 295 × 105 պիքսել է։

Իմացե’ք ավելին գովազդի պիտակավորման մասին

Տեսաբաազդերիզներ

Չափ	Կողմերի համապատասխանություն	Թույլատրելի	Տևողություն	Սեղմման ստանդարտ
մինչև 50 ՄԲ: Որքան թեթև լինի ֆայլը, այնքան արագ այն կվերբեռնվի	16 x 9	960 x 540-ից մինչև 1920 x 1080 պիքսելներ	մինչև 30 վայրկյան: Որպեսզի ավելի շատ գնորդներ դիտեն տեսանյութը, խորհուրդ ենք տալիս տևողությունը լինի 15 վայրկյանից ոչ ավել	Կոդեկ Հ 264

Պրոմո ազդերիզներ

Տեղաբաշխման տեղը	Հարթակ	Փաստացի չափս	Անվտանգության տարածք	Չափ	Ձևաչափ	Տեղաբաշխման էջի հղումը
Էքստրա	Կայք	672 ,× ,440 պիքսել	486 ,× ,390 պիքսել	120 կբ ոչ ավելի	JPG, JPEG, PNG	https://www.ozon.ru
	Կայքի բջջային տարբերակ / Հավելված	400 ,× ,400 պիքսել	350 ,× ,350 պիքսել	100 կբ ոչ ավելի	JPG, JPEG, PNG	https://www.ozon.ru
Թոփ	Կայք	912 ,× ,300 պիքսել	651 ,× ,250 պիքսել	120 կբ	JPG, JPEG, PNG	https://www.ozon.ru
	Կայքի բջջային տարբերակ / Հավելված	400 ,× ,400 պիքսել	350 ,× ,350 պիքսել	100 կբ ոչ ավելի	JPG, JPEG, PNG	https://www.ozon.ru

8. Ցուցադրման պայմանների պահանջներ

8.1. Ցուցադրման պայմանները պետք է համապատասխանեն գովազդային նյութի բովանդակությանը: Ցուցադրման համար ընտրված կատեգորիաները պետք է ուղղակիորեն կապված լինեն գովազդվող օբյեկտի կամ դրան հարող կատեգորիայի հետ: Օրինակ, «Պարենային ապրանքներ» կատեգորիայում չի ընդունվում սմարթֆոնների գովազդ:

Ձեր գովազդային նյութը կանցնի մոդերացիա: Մոդերացիայի միջին ժամանակը 3 ժամն է:

Իմացե’ք ավելին գովազդային նյութերի մոդերացիայի մասին