Ապրանքների կարծիքների տեսություն

Եթե ​​ապրանքն ունի բավականաչափ կարծիքներ, ավտոմատ կերպով կվերլուծենք դրանք և կհավաքենք ամփոփ ակնարկ՝ գնորդների կողմից ամենահաճախ արված մեկնաբանություններով։

Ակնարկները կօգնեն.

• բացահայտել ապրանքի ամենատարածված խնդիրներն ու թերությունները՝ ըստ գնորդների,
• հասկանալ ապրանքի ամենաուժեղ կողմերը՝ կարող եք դրանք ընդգծել քարտում,
• հետևել կարծիքներում առկա միտումներին` օրինակ, ապրանքների վերջին խմբաքանակում գնորդները ընդգծում են որոշ փոփոխություններ,
• կայացնել հիմնավորված որոշում Ձեր խանութի տեսականու վերաբերյալ՝ հեռացնել կամ ավելացնել ապրանքներ։

Տեսնել ապրանքի վերաբերյալ կարծիքների ակնարկը

Մենք հաշվի ենք առնում միայն վերջին տարվա ընթացքում գնված և չեղարկված պատվերների կարծիքները։ Եթե գնորդը խմբագրել է կարծիքը, մենք հիմք կընդունենք վերջին տարբերակը, որը հրապարակվել է փոփոխություններից հետո։ Ակնարկի տվյալները թարմացվում են շաբաթը մեկ անգամ։ Կարծիքների ակնարկը հասանելի է միայն Ձեզ, գնորդները դրանք չեն տեսնում։

1. Товары → Отзывы покупателей («Ապրանքներ → Գնորդների կարծիքներ») բաժնում սեղմեք ապրանքի կարծիքի վրա:

   

2. Սեղմե’ք AI և ընտրեք ակնարկի ցուցադրման ենթակա ժամանակահատվածը` 3, 6 կամ 12 ամիս:

   

Կցուցադրենք բնութագրերը` ապրանքի առանձնահատկությունները: Բնութագիրը կհայտնվի, եթե ընտրված ժամանակահատվածում այն ​​նշել է առնվազն 3 գնորդ:

Ակնարկում ցուցադրվում են մի քանի բնութագրեր, որոնցից յուրաքանչյուրում՝ այն օգտատերերի տոկոսը և թիվը, ովքեր նշել են դրանք։ Տոկոսը հաշվարկում ենք ընտրված ժամանակահատվածում տեքստով հրապարակված բոլոր կարծիքներից:

Ակնարիկում բնութագրերը դասավորված են ըստ կարծիքի երանգավորման՝

• բացասական,
• դրական,
• չեզոք։

Նեյրոնային ցանցը խմբավորում է իմաստով և երանգավորմամբ այն կարծիքները,որոնցում գնորդները գրում են նույն բանի մասին։ Եթե գնորդը կարծիքում նշում է ապրանքի թերությունները, բնութագիրը կստանա բացասական երանգ։ Եթե նա նշում է առավելությունները՝ այն կլինի դրական։ Եթե նեյրոնային ցանցը չի կարող որոշել կարծիքը դրական է, թե բացասական, բնութագիրը կլինի չեզոք։

Ի՞նչ է կարևոր իմանալ.

• եթե ապրանքները միավորված են մեկ քարտի մեջ, մենք դրանցից յուրաքանչյուրի համար ձևավորում ենք առանձին ակնարկ,
• բնութագրերը բառացիորեն չեն կրկնում կարծիքի տեքստը, այլ միավորում են իմաստով համապատասխանող կարծիքները,
• ջնջված կարծիքները հաշվի են առնվում ակնարկում,
• մեկ կարծիքը կարող է ակնարկում հաշվարկվել մի քանի անգամ, եթե գնորդը նշել է մի քանի տարբեր բնութագրեր։

Բեռնել կարծիքների ակնարկը բոլոր ապրանքների վերաբերյալ

Եթե ​ունեք շատ ապրանքներ, ավելի հարմար է կարծիքները վերլուծել ոչ թե մեկ առ մեկ, այլ բոլորը միանգամից՝ մեկ ֆայլում։ Բեռնեք այն՝ տեսնելու համար, թե գնորդներն առավել հաճախ որ բնութագրերն են նշում։

1. Товары → Отзывы покупателей («Ապրանքներ → Գնորդների կարծիքներ») բաժնում սեղմե’ք Скачать отчёт («Բեռնել հաշվետվություն»):

   

2. Անցե’ք Обзор отзывов («Կարծիքների ակնարկ») ներդիր և սեղմեք Сформировать («Ձևավորել»): Հաշվետվության ստեղծման համար որոշ ժամանակ կպահանջվի։ Երբ ամեն ինչ պատրաստ լինի, Готовые отчёты («Պատրաստի հաշվետվություններ») ներդիրում բեռնեք CSV ձևաչափով ֆայլը:

   

Ինչու՞ կարող է ակնարկը դատարկ լինել

Տեսությունը կարող է դատարկ լինել, եթե նույնիսկ կարծիքները բազմաթիվ են: Հիմնական պատճառներն են․

• Կարծիքները նկարագրում են ապրանքի տարբեր կողմերը՝ որոշակի բնութագրերի համար չի հավաքվել 3 կարծիք տարբեր գնորդներից:
• Կարծիքները կոնկրետ չեն, օրինակ, գնորդները գրում են՝ «Հարմար է», «Ամեն ինչ նորմալ է»: Նման կարծիքներից անհնար է հասկանալ ապրանքի առանձնահատկությունները:
• Կարծիքները հրապարակվել են այն ժամանակահատվածի մեկնարկից առաջ, որի համար դիտում եք ակնարկը։