Փաստաթղթեր ապրանքանիշերի համար

Հոդվածի բովանդակությունը ակտուալ է, եթե ձեր ապրանքները վաճառվում են am.ozon.com կայքում: Եթե ​​ձեր ապրանքները հասանելի են այլ Ozon խանութների ցուցափեղկերում պատվիրելու համար, օրինակ՝ Ռուսաստանում կամ ԱՊՀ երկրներում, ծանոթացեք դրանց համար հոդվածներ-ի հետ:

Ozon-ում բրենդավորված ապրանքներ վաճառելու համար անհրաժեշտ են փաստաթղթեր՝ սա ՀՀ քաղաքացիական օրենսգրքի 1176, 1178 հոդվածների և «Ապրանքային նշանների մասին» ՀՀ օրենքի 12-րդ հոդվածների պահանջն է։

Փաստաթղթերը հաստատում են, որ.

• դուք ունեք ապրանքային նշանն օգտագործելու թույլտվություն,
• դուք ապրանքը գնել եք հեղինակային իրավունքի իրավատիրոջից կամ դրա դիստրիբյուտորից՝ պաշտոնական գործընկեր-վաճառողից։

Փաստաթղթերն անհրաժեշտ են այն ապրանքնաիշերի համար, որոնք գրանցված են որպես ապրանքային նշան Հայաստանի Հանրապետության տարածքում մտավոր սեփականության ազգային կամ միջազգային համակարգում։

Փաստաթղթեր ապրանքանիշերի համար

Ապրանքներ տեղաբաշխելու ձեր իրավունքը հաստատող փաստաթղթերը կարող են լինել.

• ապրանքային նշանի վկայագիր / քաղվածք ապրանքային նշանների ազգային ռեգիստրի կամ WIPO Madrid-ի բաց աղբյուրներից, որը վավեր է փաստաթղթերը վերբեռնելու օրը և հաստատում է երկրում ապրանքային նշանի պաշտպանությունը,
• պայմանագիր (լիցենզիա, բաշխում, մատակարարում, առք և վաճառք) և պաշտոնական դիստրիբյուտորից ապրանքների գնումը հաստատող փաստաթղթեր (անդորրագիր, բեռնագիր),
• ապրանքային նշանի օգտագործման և երկրի տարածքում ապրանքներ վաճառելու թույլտվության նամակ,
• այլ փաստաթղթեր։

Փաստաթղթերի ցանկ, եթե խանութի անվանումը կամ պատկերանշանը նշում է հայտնի ընկերություն կամ ապրանքանիշ

Այլ բրենդային ապրանքների փաստաթղթերի ցանկ

Եթե չեք օգտագործում կնիք ձեր առևտրային գործունեության մեջ, ներկայացրեք հաստատում ապրանքանիշի փաստաթղթերի հետ միասին, որ դուք աշխատում եք առանց կնիքի:

Եթե ​​ապրանքանիշը ՀՀ տարածքում գրանցված չէ որպես ապրանքային նշան կամ կորցրել է պաշտպանությունը, կարող եք ապրանքներ վաճառել առանց ապրանքնիշի փաստաթղթերի, սակայն որոշ դիրքերի համար անհրաժեշտ կլինեն որակի փաստաթղթեր։

Մենք խստորեն ստուգում ենք ապրանքների օրիգինալ լինելը։ Եթե ​​անհրաժեշտ փաստաթղթերը բացակայեն, մենք ստիպված կլինենք արգելափակել քարտը։ Եթե ​​տրամադրված փաստաթղթերի վերաբերյալ կասկածներ լինեն, մենք կարող ենք լրացուցիչ փաստաթղթեր պահանջել.

• փաստաթղթերի նոտարական վավերացված թարգմանությունները ռուսերեն, եթե ներկայացված փաստաթղթերը օտար լեզվով են,
• ընկերության օտարերկրյա կնիքի նոտարական վավերացված թարգմանությունը ռուսերեն,
• քաղվածք օտարերկրյա պետության առևտրային ռեգիստրից, եթե մատակարարման շղթայի մատակարարներից մեկը օտարերկրյա ընկերություն է, ինչպես նաև քաղվածքի նոտարական ձևակրեպված թարգմանությունը ռուսերեն,
• փաստաթուղթ, որը հաստատում է փաստաթուղթը ստորագրած անձի իրավունքները։ Եթե ​​փաստաթուղթը ստորագրած անձը և առևտրային ռեգիստրի քաղվածքում (օտարերկրյա ընկերության համար) կամ իրավաբանական կամ անհատ ձեռնարկատերերի պետական ​​ռեգիստրի քաղվածքում (Հայաստանի Հանրապետության ընկերությունների և ձեռնարկատերերի համար) նշված անձը տարբեր անձինք են։

Յուրաքանչյուր դեպք դիտարկում ենք առանձին, ուստի կարող ենք պահանջել փաստաթղթեր, որոնք նշված չեն ցուցակում:

Եթե ​​բրենդային ապրանք եք ձեռք բերել ԵԱՏՄ երկրներից մեկի տարածքում, ապա կարող եք վաճառել դրանք, եթե ունեք անհրաժեշտ փաստաթղթեր, արանք հաստատում են ապրանքի օրիգինալ լինելը։ Նման ապրանքների վաճառքը թույլատրվում է Եվրասիական տնտեսական միության մասին պայմանագրի №26 հավելվածի 16-րդ կետի համաձայն:

Վերբեռնել ապրանքանիշերի փաստաթղթերը անձնական հաշիվ

Վերբեռնեք փաստաթղթերը ապրանքանիշի մտավոր սեփականության համակարգում գրանցումից հետո։

1. Товары → Документы на бренды («Ապրանքներ → Ապրանքանիշերի փաստաթղթեր») բաժնում սեղմեք Добавить документы («Ավելացնել փաստաթղթեր»):

   

2. Նշեք.

   • Ապրանքանիշը:
   • Հաստատող փաստաթղթի տեսակը։
   • Ապրանքային նշանի գրանցման վկայականի համարը։ Ապրանքային նշանի մասին տեղեկատվությունը կարող եք դիտել բաց աղբյուրներում, օրինակ, ՀՀ մտավոր սեփականության գրասենյակ-ում:
   • Համառոտ նկարագրությունը։ Կարող եք փաստաթղթին ավելացնել բացատրություն:
   • Հաստատող փաստաթղթի թողարկման ամսաթիվը և վավերականության ժամկետի ավարտը։

3. Վերբեռնեք փաստաթղթերը յուրաքանչյուրը 10 ՄԲ-ից ոչ ավելի:

   Ավելացրեք ապրանքանիշի բոլոր փաստաթղթերը մեկ դիմումի մեջ, մի բաժանեք մի քանիսի: Մեկ ապրանքանիշ՝ մեկ դիմում։

   Սեղմեք Завершить («Ավարտել»):

   

Ապրանքանիշերի փաստաթղթերի ստուգման ժամկետ

Ապրանքանիշի փաստաթղթերի պարտադիր վերբեռնման դեպքեր

Անպայման վերբեռնեք փաստաթղթեր, եթե.

• Ozon-ի փաստաթղթեր է պահանջել ստուգման համար:

• Սկսելու եք վաճառել այն ապրանքանիշերի ապրանքները, որոնք պահանջում են պարտադիր փաստաթղթերի ստուգում: Մինչև ստուգումը, նման ապրանքները հասանելի չեն լինի վաճառքի համար։ Նման ապրանքանիշերի ցանկը դիտելու համար Товары → Документы на бренды («Ապրանքներ → Ապրանքանիշերի փաստաթղթեր») բաժնում անցեք Требуются документы («Պահանջվում են փաստաթղթեր») ներդիր: Սեղմեք Добавить документы («Ավելացնել փաստաթղթեր») կամ ապրանքանիշի տողում՝ ապրանքանիշերի փաստաթղթեր ավելացնելու համար:

  

Մնացած դեպքերում կարող եք վերբեռնել փաստաթղթերը նախօրոք, մենք դրանք կստուգենք միայն անհրաժեշտության դեպքում: Եթե ​​ինչ-որ բան փոխվի, մենք ձեզ կտեղեկացնենք ծանուցման միջոցով:

Խարդախված կամ կեղծված ապրանքներ հայտնաբերելու դեպքում, մենք.

1. Կարգելափակենք ապրանքների քարտերը:
2. Կուղարկենք ծանուցում, որպեսզի կարողանաք հաստատել, որ ունեք իրավունք վաճառել բրենդային ապրանքներ և բողոքարկել արգելափակումը:

Ապրանքանիշի փաստաթղթերը ստուգելուց հետո մենք շարունակում ենք վերահսկել ապրանքի որակը.

• նայում ենք վերադարձի տոկոսին,
• ուսումնասիրում ենք ապրանքի վերաբերյալ հաճախորդների բողոքները,
• հետևում ենք ապրանքի մեկնաբանություններին և գնահատականներին,
• վերլուծում ենք գները և դրանց փոփոխությունների պատմությունը:

Կարող ենք հաշվի առնել միանգամից մի քանի նշան։ Ապրանքի օրիգինալ լինելու վերաբերյալ կրկնվող կասկածների դեպքում կտեղեկացնենք այդ մասին։

Վաճառքի այլ երկրներ

Եթե ​​ձեր ապրանքները հասանելի են այլ երկրների տարածքում պատվիրելու համար, ապա ապրանքանիշի փաստաթղթերին ներկայացվող պահանջներին կարող եք ծանոթանալ վաճառքի երկրներից յուրաքանչյուրի տեղեկատվական հոդվածում.

Ռուսաստան

Ղազախստան

Բելառուս

Ուզբեկստան

Ղրղզստան

Հարցեր և պատասխաններ

Որքան ժամանակ է պահանջում ապրանքանիշի փաստաթղթերի ստուգումը:

Փաստաթղթերի ստուգումը տևում է 5-ից 10 աշխատանքային օր: Փաստաթուղթը կլինի «Սպասում է ստուգման» կարգավիճակում: Եթե ​​փաստաթղթերում ամեն ինչ կարգին է, մենք կփոխենք կարգավիճակը «Հաստատված է»: Դուք կկարողանաք անմիջապես վաճառել այդ ապրանքանիշի ապրանքները Ozon-ում: Եթե ​​որևէ անճշտություն հայտնաբերենք, կմերժենք փաստաթուղթը և կնշենք պատճառը։ Փաստաթղթի կարգավիճակը կփոխվի «Մերժված է»:

Ո՞ր ապրանքներին ենք ավելացնում «Օրիգինալ» բեյջ:

Մենք բեյջ ենք ավելացնում որոշ հայտնի ապրանքանիշերի օրիգինալ ապրանքներին, որոնք հաճախ կեղծվում են: Դրա համար լրացուցիչ վճար չենք գանձում, բայց ստուգում ենք փաստաթղթերը: Այլ ապրանքանիշերի ապրանքների համար կարող եք բեյջ ավելացնել վճարի դիմաց:

Իմացե’ք ավելին «Օրիգինալ» բեյջի մասին

Դատարկ ցուցակ «Պահանջվում են փաստաթղթեր» ներդիրում

Եթե ​​ցուցակը դատարկ է, դուք չեք վաճառում ապրանքանիշերի ապրանքներ, որոնք պահանջում են պարտադիր փաստաթղթերի ստուգում: Որևէ փոփոխության դեպքում մենք ձեզ կտեղեկացնենք։

Համոզվեք, որ ապրանքի քարտը ստեղծելիս լրացրել եք Бренд («Ապրանքանիշ») դաշտը: Առանց դրա, պարտադիր ստուգմամբ ապրանքանիշերի ցանկը չի հայտնվի անձնական հաշվում, իսկ առանց փաստաթղթերի ապրանքները ժամանակավորապես կթաքցվեն։

ԱԾՄԴ ո՞ր դասերի հետ է աշխատում Ozon-ը։

Ozon-ն աշխատում է միայն ԱԾՄԴ 1-ից 34 դասերի հետ, որոնք վերագրված են ապրանքներին:

Օգտակար հղումներ

Ապրանքի արգելափակման պատճառներ

Պայմանագրում ամրագրված ապրանքների պահանջներ

Ապրանքի որակի վկայագրեր