Հարցումների վերլուծություն

Մարքեթփլեյսում գրանցված վաճառողների համար ընդլայնված վերլուծության մասին մենք պատմում ենք Аналитика («Վերլուծություն») բաժնում:

Что продавать на Ozon → Аналитика запросов («Ի՞նչ վաճառել Ozon-ում → Հարցումների վերլուծություն») բաժնում կարող եք՝

• պարզել, թե վերջին 7 օրվա ընթացքում որ ապրանքն են այլ ապրանքներից ավելի հաճախ ցանկացել գնել և ինչ հարցմամբ են այն որոնել,
• տեսնել, թե որոնման արդյունքներով ձեր հարցմամբ որքան ապրանք են տեսնում գնորդները և քանի վաճառող է դրանք առաջարկում,
• ընտրել զամբյուղում ավելացված ամենաբարձր տոկոսն ունեցող հարցումները։

Դա կօգնի ձեզ`

• որոշել, թե որ ապրանքների կատեգորիաներն են ներկայում ամենաշատ պահանջարկ ունեցողները մարքեթփլեյսում և ընդլայնել ձեր տեսականին,
• ապրանքային քարտերում ավելացնել տարածված հարցումներից ստացված տեղեկատվությունը, որպեսզի դրանք ավելի արդյունավետ ցուցադրվեն որոնման արդյունքներում,
• ձեր տեսականու համար ընտրել բարձր տարածվածություն և կոնվերսիա, բայց մրցակցության ցածր մակարդակ ունեցող ապրանքներ, որպեսզի մեծացնեք վաճառքը:

Տվյալները թարմացվում են ամեն օր:

Բաժնի պարունակությունը

Բաժինը պարունակում է՝

• Հարցումների պատրաստի ցանկ․ վերջին 7 օրվա ընթացքում բոլոր կատեգորիաներում լավագույն 1000 հարցումները: Ցանկի վերևում ցուցադրվում են Ozon-ում ամենատարածված հարցումները: Մենք պահպանում ենք հարցումներն այն ձևով, որով օգտատերերը մուտքագրում են կայքի որոնման տողում: Օրինակ, եթե արտասահմանյան ապրանքանիշի անվանումը մուտքագրվել է ռուսերենով, համակարգն այն կպահպանի հենց այդպես:

• Որոնում հարցումներով․ մուտքագրեք հարցումը որոնման տողում և հաշվետվությունը կցուցադրի մինչև 1000 փոխկապակցված հարցումներ՝ ըստ բանալի բառերի։

• Յուրաքանչյուր հարցման ցուցանիշներ․ թույլ են տալիս համեմատել տարբեր հարցումներ և բացահայտել ձեր տեսականու համար ամենախոստումնալիները։

• Տեսակավորում չափանիշներով․ սովորաբար, մենք տեսակավորում ենք ցանկը և որոնման արդյունքները` ըստ հարցման տարածվածության՝ ամենատարածվածից մինչև ամենաքիչ տարածվածները։ Դուք կարող եք՝

  • տեսակավորել հարցումներն ըստ ամենաքիչ տարածվածի, որպեսզի ստուգեք ապրանքների առկայությունը, որոնք պլանավորում եք վաճառել,
  • միացնել տեսակավորումն ըստ ապրանքի միջին գնի, զամբյուղում ավելացումների և կոնվերսիաների քանակի: Դրա համար սեղմեք մետրիկայի անվան կողքին:

Աղյուսակում ցուցանիշներ ավելացնելու կամ թաքցնելու համար սեղմեք :

Օգտագործել վերլուծությունը

Գտնել պահանջարկ ունեցող ապրանքները

Ուսումնասիրեք ամենատարածված հարցումների ցանկը կամ ստուգեք հիպոթեզը․ որոնման տողում մուտքագրեք այն ապրանքի անվանումը, որը պատրաստվում եք վաճառել։

Խորհուրդ ենք տալիս գնահատել ոչ միայն հարցումների քանակը, այլ նաև այլ ցուցանիշներ.

• «Популярность запроса» («Հարցման տարածվածություն»)` ունիկալ գնորդների թիվը, ովքեր որոնել են ապրանք այս հարցմամբ: Որքան ավելի տարածված է հարցումը, այնքան ավելի մեծ է ձեր լսարանը գտնելու և առաջին վաճառքը ստանալու հավանականությունը:

• «Добавления в корзину» («Զամբյուղում ավելացումներ») և «Конверсия в корзину, %» («Զամբյուղում կոնվերսիաներ, %»)` այն գնորդների թիվը, ովքեր զամբյուղում ավելացրել են հարցմամբ գտնված ապրանքներից առնվազն մեկը։ Եթե գնորդը զամբյուղում ավելացնի մի քանի ապրանք, մենք հաշվի կառնենք միայն մեկ ավելացում. այս կերպ կտեսնեք այն ունիկալ գնորդների թիվը, ովքեր պատրաստ են պատվեր ձևակերպել:

  Զամբյուղում շատ ավելացումները և կոնվերսիաները կարող են նշանակել՝

  • գնորդները արագ գտնում են անհրաժեշտ ապրանքը և պատրաստ են այն գնել,
  • որոնման արդյունքների առաջին տեղերը պարունակում են գրավիչ առաջարկներով բավարար քանակությամբ համապատասխան ապրանքներ։

  Քիչ ավելացումները և ցածր կոնվերսիան չեն նշանակում, որ գնորդները պատրաստ չեն գնել ապրանքը: Հնարավոր է, որ որոնման արդյունքների առաջին տեղերում քիչ համապատասխան ապրանքներ լինեն, դրանց քարտերը վատ լրացված լինեն, իսկ ապրանքը ցածր վարկանիշ ​​ունենա: Հետևաբար, հատուկ ուշադրություն դարձրեք ապրանքի որակին, առաքման արագությանը, քարտի լրացմանն ու առաջխաղացմանը:

• «Товаров в выдаче» («Ապրանքներ որոնման արդյունքներում») և «Продавцов товара» («Ապրանք վաճառողներ»)` միջինում քանի վաճառողի մոտ քանի ապրանք է տեսնում մեկ գնորդը մեկ հարցմամբ։ Որքան բարձր են ցուցանիշները, այնքան շատ առաջարկներ են այս տեղում և այդքան ավելի ակտիվ է մրցակցությունը։

• «Просмотры товаров» («Ապրանքների դիտումներ»)` ունիկալ գնորդների քանակը, ովքեր բացել են ապրանքի քարտը որոնման արդյունքներում։ Որքան ցածր է ցուցանիշը, այնքան ավելի հազվադեպ են գնորդները բացում քարտեր։ Դա կարող է նշանակել, որ որոնման արդյունքներում քիչ են համապատասխան ապրանքները՝ գրավիչ քարտերով, մրցակցային գներով և արագ առաքմամբ։

Որոշել գնային սեգմենտը

1. Որոնման տողում սկսեք մուտքագրել այն ապրանքի անվանումը, որը պատրաստվում եք վաճառել: Օրինակ՝ «Футболка женская» («Կանացի մարզաշապիկ»):

2. Վերլուծեք «Средняя цена, ₽» («Միջին գին, ₽») սյունակը: Այստեղ ցուցադրված է որոնման դաշտում համապատասխան հարցմամբ զամբյուղում ավելացված ապրանքների միջին գինը։

   Միջին գինը հաշվարկվում է որոնման հարցմամբ զամբյուղում ավելացված բոլոր ապրանքների հիման վրա, նույնիսկ եթե մեկ գնորդ զամբյուղում ավելացրել է մի քանի ապրանք։ Օրինակ, եթե 2 գնորդներ զամբյուղում ավելացրել են 3 ապրանք` առաջինը ավելացրել է 500 ռուբլի արժողությամբ 1 ապրանք, երկրորդը՝ 1000 և 1200 ռուբլի արժողությամբ 2 ապրանք, ապա միջին արժեքը հաշվարկում ենք հետևյալ կերպ` (500 + 1000 + 1200) ÷ 3 = 900 ռուբլի:

   

Ընդլայնել տեսականին

Օրինակ, վաճառում եք կանացի հագուստ: Վերլուծելու համար, թե հատկապես ինչ կանացի հագուստ են գնորդներն ավելի հաճախ փնտրում, սկսեք որոնման տողում հարցում մուտքագրել «Женская» («Կանացի») բառով։

Կարող եք ճշգրտել ձեր հարցումը. որոնման տողում մուտքագրեք էջում մեր կողմից ցուցադրվող հարցումներից մեկը։ Օրինակ, եթե տողում մուտքագրեք «Платье летнее женское» («Կանացի ամառային զգեստ») հարցումը, կտեսնեք ավելի կոնկրետ հարցումներ, որոնք կարող են պարունակել մոդելներ կամ նյութեր։

Ճիշտ լրացնել ապրանքների քարտերը

1. Որոնման տողում սկսեք մուտքագրել այն ապրանքը, որը պատրաստվում եք վաճառել: Օրինակ՝ «Футболка женская» («Կանացի մարզաշապիկ»):

2. Տարածված հարցումների մեջ գտեք նրանք, որոնք համապատասխանում են ձեր ապրանքներին: Օրինակ, եթե դուք պատրաստվում եք վաճառել օվերսայզ մարզաշապիկներ պրինտով և տարածվածների շարքում գտել եք նման հարցում, կարող եք այն ավելացնել ապրանքի քարտում:

3. Դուք կարող եք ճշգրտել հարցումը ևս մեկ անգամ՝ որոնման տողում մուտքագրելով «Футболка женская оверсайз» («Կանացի օվերսայզ մարզաշապիկ») հարցումը. դուք կտեսնեք ավելի ճշգրիտ հարցումներ, որոնք կարող եք ավելացնել համապատասխանող ապրանքների քարտերում: