Տեսանկարահանում վաճառողի պահեստում

Ապրանքների վերադարձի հետ կապված վիճելի իրավիճակ առաջանալու դեպքում կարող եք ապացուցել, որ այն բեռնել եք վաճառքի ենթակա տեսքով և ամբողջությամբ։ Դրա համար պետք է մեզ ուղարկեք տեսագրություն, որտեղ երևում է, թե ինչպես են առաքվող ապրանքները հավաքվում և բացվում վերադարձված ապրանքների փաթեթները։ Առանց այս տեսագրությունների մենք կարող ենք հրաժարվել գումարի փոխհատուցումից։

Մենք փոխհատուցում ենք մեր մեղքով պատճառված վնասը և հաշվի ենք առնում, թե որքանով է վնասվել ապրանքը։

Ինչու՞ է կարևոր պահեստում տեսանկարահանման գործընթաց կազմակերպելը

Պահեստում տեսանկարահանումը թույլ կտա խուսափել ավելորդ խնդիրներից և պարզեցնել Ozon-ից փոխհատուցում ստանալու գործընթացը։ Եթե դուք տեսանկարահանում եք ապրանքների փաթեթավորումը և վերադարձի ապափաթեթավորումը, ապա վիճելի իրավիճակում գումարի վերադարձի հետ կապված կարող եք արագ ապացույցներ ներկայացնել։ Իսկ Ozon-ի տեսանկյունից տեսագրությունները կհեշտացնեն փոխհատուցման հայտերի մշակման գործընթացը։

Խնդիր կարող է առաջանալ ոչ միայն ապրանքի վերադարձի դեպքում, այլ նաև ապրանքը մատակարարման համար հավաքելիս։ Որոշ դեպքերում մեզ անհրաժեշտ են ապացույցներ, որ հավաքելիս ապրանքներն ամբողջական են եղել։ Այդ պատճառով մեզ համար հավասարապես կարևոր է, թե ինչպես է տեղի ունեցել ապրանքների հավաքումը և վերադարձված ապրանքի ընդունումը։

Տեսագրությունը կպարզեցնի ստուգման գործընթացը վիճահարույց իրավիճակներում և կարագացնի նման դեպքերի քննարկումն ու փոխհատուցման վճարումը։

Ինչպիսի՞ն պետք է լինի տեսագրությունը

Մենք ցանկանում ենք, որ փոխհատուցումը լինի պարզ և արագ։ Դրա համար շատ կարևոր է, որպեսզի`

• Տեսանյութը նկարվի լավ լուսավորությամբ, լավ որակով՝ հետևյալ ձևաչափերով ՝ MP4, MOV, M4V, WEBM, AVI։
• Տեսանյութի տևողությունը 5 վայրկյանից քիչ չլինի։
• Տեսանյութը շարունակական լինի, չպարունակի մոնտաժ, արագացում կամ կտրվածքներ։
• Տեսանյութում հնարավոր լինի տեսնել`
  • ապրանքը և SKU-ն,
  • յուրաքանչյուր ապրանքի փաթեթավորումը,
  • պիտակը առաքման համարով և ամսաթվով։
• Տեսանյութում լինի հավաքման ամբողջական գործընթացը՝ ներառյալ բեռների տարածքի ձևավորումը և փաթեթավորումը։
• Վերադարձի ստացման ժամանակ տեսանյութում լինի նախկինում չբացված կնիքված տուփի բացելու գործընթացը:

Մենք խորհուրդ ենք տալիս տրամադրել ժամանակի կոդեր՝ հարցման վերանայումն արագացնելու համար:

Այդպես մենք անհրաժեշտ ամբողջ տեղեկատվությունը կտեսնենք տեսագրության մեջ և ձեզ ավելորդ անգամ չենք անհանգստացնի։ Եթե տեսագրությունը վատորակ է կամ բացակայում է որևէ տեղեկատվություն, դա կբարդացնի մշակման գործընթացը։

Փոխհատուցման հաստատումից հետո խորհուրդ ենք տալիս տեսանյութը պահել ևս 30 օր:

Ինչպե՞ս ուղարկել տեսագրությունը

Խորհուրդ ենք տալիս տեսագրությունները վերբեռնել ցանկացած ամպային ծառայություններից մեկում և ուղարկել մեզ ֆայլերի հղումները։