Բեռնատուփերն առաքման մեջ և դրանց ապրանքային կազմը

Ապրանքներն Ozon-ի պահեստ կարելի է փոխանցել բեռնատեղերի կազմում: Բեռնատեղերի տեսակներն են՝

• ըստ ծավալի՝ պալետ կամ տուփ,
• ըստ նույն բեռնատեղում գտնվող ապրանքների SKU-ի՝
  • «մոնո», եթե բեռնատեղում մեկ SKU է,
  • «միքս», եթե բեռնատեղում նվազագույնը երկու տարբեր SKU է:

«Միքս» տեսակի բեռնատեղում կարելի է բերել տարբեր SKU-երի ցանկացած քանակ:

Մեկ բեռնատեղում տեղավորվում են 1-ից մինչև 1 000 000 ապրանք, բայց ոչ ավել, քան 100 000 լ մեկ հայտում:

Բեռնատեղի տեսակի ընտրությունը կախված է ապրանքների քանակից և առաքման կետից: Ընդունում ենք.

• ՊՀԿ-ում կամ ՊԸԿ-ում՝ միայն տուփեր,
• տեսակավորման կենտրոններում և ֆուլֆիլմենտներում՝ պալետներ և տուփեր:

Մեկ առաքանու մեջ կարող է լինել մինչև 30 տուփ կամ 40 պալետ:

Իմացե՛ք ավելին տուփերի և պալետների պահանջների մասին

Ապրանքների տեղաբաշխման տարածքներ

Յուրաքանչյուր պահեստ բաժանված է տեղաբաշխման պայմանական տարածքների, որոնք նախատեսված են կոնկրետ ապրանքների համար: Ընդունման ժամանակ տեսակավորման համար չվճարելու համար նույն պայմանական տարածքների ապրանքներն ավելացրեք միևնույն բեռնատեղում:

Այլ տեղադրման տարածքի ապրանքների համար ստեղծե՛ք նոր բեռնատեղ:

Օրինակ

Դուք ցանկանում եք պահեստ տեղափոխել համակարգչային մկնիկներ, ստեղնաշարեր և մոնիտորներ: Մկնիկներն ու ստեղնաշարերն իրենց չափերով հարմար են տեսակավորվող ապրանքների տարածքի համար, ուստի դրանց համար կարող եք ստեղծել մեկ բեռնատեղ: Մոնիտորները կուղարկվեն չտեսակավորվող ապրանքների տարածք, ուստի դրանց համար անհրաժեշտ է ստեղծել առանձին բեռնատեղ:

Եթե ​​ապրանքի առնվազն մեկ կողմն իր չափերով դասվում է չտեսակավորվող ապրանքների կատեգորիային, մենք այն կդասակարգենք չտեսակավորվող ապրանքների տարածքում։

Տեղադրման տարածքներ և այդտեղ ապրանքների բնութագրեր.

Տեղադրման տարածք	Ապրանքների տեսակներ
Տեսակավորվող ապրանք	Փոքր ապրանքներ մինչև 10 կգ քաշով և հետևյալ չափսերով՝ երկարությունը մինչև 450 մմ, լայնությունը մինչև 320 մմ, բարձրությունը մինչև 320 մմ: Կտեղավորենք դրանք ստանդարտ չափի տուփերում:
Չտեսակավորվող ապրանք	Խոշոր ապրանքներ մինչև 35 կմ քաշով և հետևյալ չափսերով՝ երկարությունը 450 մմ-ից մինչև 1200 մմ, լայնությունը 320 մմ-ից մինչև 800 մմ, բարձրությունը 320 մմ-ից մինչև 600 մմ: Նման ապրանքները չենք տեղավորում ստանդարտ բջիջներում:
Մթերք	Սննդամթերք, որոնց պահպանման համար անհրաժեշտ են հատուկ ջերմաստիճանային պայմաններ։
Վտանգավոր ապրանք	Գազեր, դյորավառ հեղուկներ, քիմիական նյութեր և այլ վտանգավոր ապրանքներ: Իմացե՛ք ավելին վտանգավոր ապրանքների մասին
Փակ տարածք	Բարձրարժեք ապրանքներ, «18+» նշումով իրեր և կորստի բարձր ռիսկ ունեցող ապրանքներ: Կտեղավորենք սահմանափակ հասանելիություն ունեցող տարածքում:
Մեծ չափսի ապրանք	Կտեղավորենք հատուկ ստելլաժներում:

Բեռնատեղի ընդունման պարամետրեր

Ընդունում վստահության հիման վրա

Պահեստի աշխատակիցը չի ստուգում բեռնատեղի կազմը ընդունման ժամանակ: Վաճառողը պատասխանատու է ապրանքները գնորդին ուղարկելիս ցանկացած անհամապատասխանության համար: Պահեստն ընդունում է միայն բեռնատեղեր՝ մեկ SKU-ով: Երկուսից ավելի SKU-ով բեռնատեղերն ընդունվում են հատով:

Հատով ընդունում

Ozon-ը յուրաքանչյուր միավոր ապրանքի ընդունման համար կգանձի վճար։ Սակագինը կլինի ավելի ցածր, եթե հայտի մեջ նշեք բեռնատեղի կազմը և բաշխեք ապրանքները բեռնատեղերի միջև՝ տեղաբաշխման տարածքներին համապատասխան: Ozon-ը պատասխանատու է գնորդին առաքման ընթացքում առաջացած ցանկացած անհամապատասխանության համար։

Մենք կգանձենք վճար ընդունման լրացուցիչ ծառայությունների համար, եթե՝

• չեք լրացրել բեռնատեղի կազմը,
• հայտում բեռնատեղի կազմը տարբերվում է փաստացի կազմից,
• սխալ եք բաշխել ապրանքները տեղաբաշխման տարածքներում:

Իմացե՛ք ավելին ընդունման ժամանակ վճարովի ծառայություների մասին

Եթե փոխում եք բեռնատեղերի քանակը կամ դրանց կազմը, ապա Ձեր անձնական հաշվում խմբագրեք առաքանու կազմը:

Ընդունման արժեքը

Ընդունման արժեքը կարող է կախված լինել՝

• բեռնատեղի կազմի նշումից,
• բեռնատեղերի տեղաբաշխման տարածքներում ապրանքների բաշխումից,
• յուրաքանչյուր բեռնատեղի կազմի համապատասխանությունից հայտին:

Իմացե՛ք ավելին ընդունման ժամանակ վճարովի ծառայությունների մասին

Ծառայությունների ամբողջական ցանկ, որոնց համար կարող ենք լրացուցիչ վճար գանձել

Կրճատել ընդունման ծախսերը

Վերջնական արժեքը հաշվարկվում է ընդունման ժամանակ և կախված է առաքանու ապրանքներից: Արժեքը կհամընկնի նախնականին, եթե տվյալներն ընդունման ժամանակ հաստատվեն:

Прогноз стоимости («Արժեքի կանխատեսում») բլոկը ցույց կտանք սևագրում և հայտի էջի Отгрузка и список поставок («Բեռնում և առաքանիների ցանկ») ներդիրում: Բեռնատեղերի արժեքի վերաբերյալ մանրամասն տեղեկատվություն տեսնելու համար սեղմե՛ք Развернуть список («Ընդարձակել ցանկը»): Կանխատեսման մեջ ցույց կտանք քրոսս դոքինգի և ընդունման նախնական արժեքը և ծառայությունների սակագինը անհամապատասխանությունների դեպքում: Փաստացի արժեքը կհրապարակենք ընդունումից հետո:

Քրոսս դոքինգի կանխատեսումը հաշվարկելու համար սեղմե՛ք Уточнить прогноз кросс-докинга («Ճշտել քրոսս դոքինգի կանխատեսումը»), նշեք բեռնատեղերի քանակը և տեսակները:

Ստուգեք, որ նշել եք պիտանելիության ժամկետներ այն ապրանքների համար, որոնց համար դրանք դիտարկվում են: Եթե ժամկետները նշված չեն, մենք կգանձենք մշակման վճար։ Մշակման վճարը նշված է «Обработка сроков годности» («Պիտանելիության ժամկետների մշակում») դաշտում։ Եթե գումարը զրոյից մեծ է,լրացրեք պիտանելիության ժամկետներ յուրաքանչյուր բեռնատեղի համար:

Եթե ​​խմբագրեք առաքումը, և բեռնատեղի կազմը դադարի համապատասխանել առաքման ընդհանուր կազմի հետ, արժեքը կփոխվի: Փոփոխություններ կատարելուց հետո ստուգեք Ձեր հայտը: Եթե անհրաժեշտ է փոխել Ձեր ապրանքների քանակը կամ բեռնատեղի կազմը հայտի մեջ, խմբագրեք հայտն առաքումից առնվազն մեկ ժամ առաջ: Այդ դեպքում մենք լրացուցիչ ծառայությունների վճար չենք գանձի անհամապատասխանությունների համար:

Լրացուցիչ ծառայությունների արժեք և հաշվարկների օրինակներ

Նշել բեռնատեղերը

Ուղիղ առաքումների դեպքում կարելի է նշել միայն բեռնատեղերի ընդհանուր քանակը՝ պիտակները հարմար են պալետների և տուփերի համար: Քրոսս դոքինգով առաքումների դեպքում պալետների և տուփերի քանակը նշեք առանձին:

Նշեք բեռնատեղերը տվյալները լրացնելիս։ Եթե բեռնատեղերով նշում եք պալետները և դրանց վրա տեղադրում եք տուփեր, ապա հարկավոր չէ լրացնել տուփերի տվյալները և դրանց վրա պիտակներ սոսնձել:

Բեռնատեղերը ժամանակին նշելու համար օգտագործեք հայտի էջի ժամանակաչափը. ժամանակը կավարտվի ձեր ինտերվալից մեկ ժամ առաջ։ Դուք կարող եք տեղափոխել ձեր ինտերվալը երկու օրվա ընթացքում և նշել բեռնատեղերը:

Հակառակ դեպքում հայտը կանցնի «Ժամկետանց» կարգավիճակի և անհրաժեշտ կլինի ստեղծել նորը:

Եթե պահեստում ձեր առաքանու համար տեղ չկա՝

• ապրանքներն առաքեք կլաստերի ներսում գտնվող մեկ այլ պահեստ կամ այլ կլաստեր,
• ընտրեք առաքման ավելի ուշ ամսաթիվ,
• կրճատեք ապրանքների քանակը։

Բեռնատեղերը նշելու համար՝

1. FBO → Заявки на поставку («FBO → Առաքման հայտեր») բաժնում սեղմե՛ք հայտի համարի վրա:

2. Грузоместа («Բեռնատեղեր») ներդիրում նշեք բեռնատեղերի քանակը և սեղմե՛ք Сгенерировать («Ստեղծել»):
   
   Ի՞նչ տեսակի բեռնատեղեր են ընդունում պահեստները

3. Սեղմե՛ք.

   • Скачать этикетки («Բեռնել պիտակներ»)՝ առաքանու բեռնատեղերի կամ բոլոր ապրանքների համար պիտակներ բեռնելու և տպելու համար:

     

   • → Скачать этикетку грузоместа («Բեռնել բեռնատեղի պիտակը»)՝ կոնկրետ բեռնատեղի համար պիտակ բեռնելու համար:

     

   • Скачать этикетки («Բեռնել պիտակներ»)՝ հայտի բոլոր բեռնատեղերի կամ բոլոր ապրանքների համար պիտակներ բեռնելու համար:

     

4. Պիտակները սոսնձեք ապրանքների և յուրաքանչյուր բեռնատեղի վրա:

Ստուգել պիտակները

Պիտակները տպելուց առաջ ստուգեք՝

• բեռնատեղերի քանակը,
• յուրաքանչյուր բեռնատեղի կազմը,
• ապրանքների պիտանելիության ժամկետները:

Խորհուրդ ենք տալիս պիտակները տպել А4 ֆորմատով, չափսերը՝ 210 х 297 մմ: Դա կհեշտացնի պահեստում ընդունման գործընթացը:

Եթե փոխել եք բեռնատեղի կազմը.

• բեռնատեղ ջնջելիս՝ պիտակներն օգտագործեք միայն մնացած ապրանքների համար,
• բեռնատեղ ավելացնելիս՝ տպեք պիտակներ միայն նոր ապրանքների համար:

Իմացե՛ք ավելին բեռնատեղերի առաքման կարգավիճակների մասին

Իմացե՛ք ավելին տուփերի և պալետների պահանջների մասին

Խմբագրել բեռնատեղերը

Բեռնատեղերը խմբագրել կարող եք ոչ ուշ, քան առաքումից մեկ ժամ առաջ:

Բեռնատեղ ավելացնելու համար՝

1. Грузоместа («Բեռնատեղեր») ներդիրում սեղմե՛ք Указать ГМ → Добавить короб или Указать ГМ → Добавить палету («Նշել բեռնատեղ → Ավելացնել տուփ» կամ «Նշել բեռնատեղ → Ավելացնել պալետ»):

2. Դրա համար տպեք պիտակ՝ սեղմե՛ք → Скачать этикетку грузоместа («Բեռնել բեռնատեղի պիտակը»):

   

3. Եթե արդեն նշել եք այլ բեռնատեղերի կազմը, ապրանքներն ավելացրեք նոր բեռնատեղում՝ սեղմե՛ք → Указать состав («Նշել կազմը»):

   Բեռնատեղը ջնջելու համար Грузоместа («Բեռնատեղեր») ներդիրում բեռնատեղի տողում սեղմե՛ք → Удалить грузоместо («Ջնջել բեռնատեղը»):

   Եթե արդեն ջնջված բեռնատեղում ավելացրել եք ապրանքներ, վերադասավորեք ապրանքներն այլ բեռնատեղերում:

Ստուգե՛ք Зона размещения («Տեղաբաշխման տարածք») սյունակը: Եթե նշված է Разные зоны («Տարբեր տարածքներ»), ապա բեռնատեղը բաժանեք մի քանի մասերի՝ յուրաքանչյուրում պետք է հայտնվեն միևնույն տարածքի ապրանքներ: Այդ ժամանակ ընդունումն ավելի արագ կկատարվի:

Նշել բեռնատեղերի կազմը և պիտանելիության ժամկետները

Նշեք՝

• Յուրաքանչյուր բեռնատեղի կազմը։ Եթե այն չնշեք, մենք ինքներս կմուտքագրենք տվյալները, սակայն դա վճարովի կլինի:
• Այն ապրանքների պիտանելիության ժամկետները, որոնք ունեն դա: Եթե առաքման հայտ ստեղծելուց առաջ ապրանքի քարտում չնշեք պիտանելիության ժամկետները, դա անել չեք կարողանա հայտը ստեղծելուց հետո:

Եթե բեռնատեղերի մի մասը դատարկ մնա կամ ոչ բոլոր ապրանքները բաշխվեն բեռնատեղերում, համակարգը կորոշի, որ չեք նշել բոլոր բեռնատեղերի ապրանքների կազմը։

Առաքանու մեջ գտնվող ապրանքների ընդհանուր պիտանելիության ժամկետը պետք է լինի առնվազն 120 օր, իսկ մնացորդայինը՝ առնվազն 90 օր։ Հակառակ դեպքում չենք կարողանա ընդունել ապրանքները։

Եթե ​​ապրանքի պիտանելիության ժամկետի ավարտին մնացել է 45 օրից պակաս, ապա կհեռացնենք այն վաճառքից և կխնդրենք հանել պահեստից։

Եթե չնշեք պիտանելիության ժամկետը կամ մենք սխալ հայտնաբերենք տվյալների մեջ, մենք կգանձենք վճար բեռնատեղի մշակման համար։

Միևնույն պիտանելիության ժամկետով ապրանքները տեղավորեք նույն բեռնատեղի մեջ: Եթե ապրանքներն ունեն տարբեր ժամկետներ, բաշխեք դրանք տարբեր բեռնատեղերում։

Իմացե՛ք ավելին բեռնատեղերի մշակման արժեքների մասին

Կազմը նշելու ժամանակ համակարգը կորոշի բեռնատեղի տեսակը՝ «մոնո» կամ «միքս»:

Օրինակ, եթե բեռնատեղում ավելացնեք տարբեր ապրանքներ կամ նույն ապրանքի տարբեր մոդելներ, համակարգը կընդունի այն որպես «միքս»:

Եթե ապրանքների մոդելները տարբերվում են արտաքին տեսքով, գույնով կամ այլ նշաններով, տեղավորեք դրանք տարբեր բեռնատեղերում:

Իմացե՛ք ավելին մոդելների մասին

Դեպքեր, երբ պարտադիր է նշել բեռնատեղի կազմը

Բեռնատեղերի կազմը պարտադիր է ՊՀԿ-երի միջոցով և Կալինինգրադի ԲՖԲԿ (բազմաֆունկցիոնալ բաշխիչ կենտրոն), Մինսկի ԲՖՏԿ (բազմաֆունկցիոնալ տեսակավորման կենտրոն), Ալմաթիի ԲՖԲԿ (բազմաֆունկցիոնալ բաշխիչ կենտրոն),Աստանայի ԲԿ (բաշխիչ կենտրոն) պանեստներ քրոսս դոքինգով առաքումների համար:

Մյուս առաքումների համար կազմը կարելի է չնշել: Այդ դեպքում կպահենք վճար բեռնատեղի կազմում ապրանքի մշակման համար:

Խմբագրել բեռնատեղերի կազմը

Բեռնատեղերը հնարավոր է խմբագրել բեռնումից ոչ ուշ, քան մեկ ժամ առաջ:

1. Սեղմե՛ք անհրաժեշտ բեռնատեղով տողի վրա, որի համար նշված է կազմը և ընտրե՛ք Редактировать состав («Խմբագրել կազմը»):

   

2. Դուք կարող եք.

• Ջնջել ապրանքները կամ փոխել դրանց քանակը:

Ապրանքների քանակը փոխելու համար «Բեռնատեղի կազմում» սյունակում նշեք նոր նշանակություն: Ապրանքը բեռնատեղից ջնջելու համար մուտքագրեք 0 քանակ։ Անհրաժեշտության դեպքում զտեք ավելացված ապրանքների ցանկը։

«Մնացորդ» սյունակում բացասական արժեքը նշանակում է, որ բեռնատեղում ավելացրել եք ավելի շատ ապրանքներ, քան նշված է հայտի մեջ, կամ արդեն բաշխել եք դրանք այլ բեռնատեղերում։

• Փոխել բեռնատեղի կազմը: Սեղմե՛ք Очистить состав («Մաքրել կազմը») և ավելացրեք նորը:

  

3. Սեղմե՛ք Сохранить состав («Պահպանել կազմը»):

   

Տեսնել ընդունման արդյունքը

Առաքման և բեռնատեղերի անհամապատասխանությունները ցուցադրվում են առաքման հայտի էջում։

Իմացե՛ք ավելին ընդունման արդյունքների մասին

Հետևել առաքանու բեռնատեղերին

Յուրաքանչյուր բեռնատեղի համար ցուցադրվում է վերջնական պահեստ առաքման մոտավոր ամսաթիվը և դրա կարգավիճակը։ Բեռնատեղերին հետևելու համար բացեք առաքանին և անցեք Грузоместа («Բեռնատեղեր») ներդիր: Սյունակում՝

• Дата приезда («Ժամանման ամսաթիվ»)՝ ցուցադրվում է քրոսս դոքինգով առաքման մոտավոր ամսաթիվը: Ապրանքները կարող են տեղ հասնել նշված ամսաթվից շուտ կամ ուշ: Երբ ապրանքն առաքեն վերջնական պահեստ, առաքման ամսաթիվը կփոխվի փաստացի ամսաթվով:
• Статус грузоместа («Բեռնատեղի կարգավիճակ»)՝ ցուցադրվում է բոլոր առաքանիների համար:

Կարգավիճակ	Նշանակություն
Պատրաստ է առաքման	Դուք նշել եք բեռնատեղերի քանակը առաքանու մեջ: Եթե դուք լրացրեք եք առաքանու ոչ բոլոր տվյալները, կարգավիճակի տակ կհայտնվի հուշում:
Չեն բերել	Դուք չեք բերել բեռնատեղը բեռնման պահեստ:
Բեռնման պահեստում	Բեռնման պահեստում ընդունել ենք բեռնատեղերը: Շուտով կուղարկենք դրանք վերջնական պահեստ:
Ընդունումը մերժվել է	Բեռնման պահեստում չեն ընդունել բեռնատեղերը:
Ճանապարհին է	Բեռնատեղը ճանապարհին է դեպի վերջնական պահեստ:
Տեղաբաշխման պահեստում	Բեռնատեղը ժամանել է վերջնական պահեստ:
Ընդունում պահեստում	Բեռնատեղն ընդունում ենք:Եթե ընթացքում հայտնաբերենք թերություն, ավելցուկ կամ պակասորդ, դա կարտացոլենք ընդունման արդյունքներում:
Ընդունված է	Բեռնատեղն ընդունել են վերջնական պահեստում: Ապրանքները շուտով հասանելի կլինեն վաճառքի համար:
Կորած	Ձեր բեռնատեղը կորել է: